![Bakıda Avropa Oyunlarının təşkilatçısı fırıldaqçılığa görə həbs olunub](https://turan.az/resized/media/2016/main/081700165908-750-500-resize.webp)
Bakıda Avropa Oyunlarının təşkilatçısı fırıldaqçılığa görə həbs olunub
Bu gün Braziliya polisi Avropa Olimpiya Komitəsinin 71 yaşlı rəhbəri Patrik Hikkini "Rio Olimpiadası biletlərinin şişirdilmiş qiymətlərlə satılmasına görə" həbs edib. Bu sensasiya yaradan xəbəri BBC radiosu yayıb.
Polis bildirib ki, Hikkini saxlamağa gəldikdə o, qaçmağa cəhd edib. Saxlanıldıqdan sonra o, özünü pis hiss etdiyini deyib və özünü xəstəliyə vurub. Yerli mətbuat qeyd edir ki, Hikkinin həbsi bir neçə gün əvvəl Rioda irlandiyalı Kevin Ceymsin həbsi ilə əlaqədardır. Bu şəxs idman tədbirləri üçün biletləri satan təşkilata rəhbərlik edir.
Həbs edilərkən Kevin Ceymsin üzərində 800 ədəd qanunsuz top-klass bileti aşkar edilib. Hər bir biletin qiyməti 7800 dollar və ya 6 min funt təşkil edirdi.
Xatırladaq ki, Avropa Olimpiya Komitəsinin və İrlandiya MOK-un prezidenti Patrik Hikki Azərbaycan hakimiyyətinin yaxşı dostudur və 2015-ci ildə Bakıda Birinci Avropa Oyunlarının təşkilinə görə hökumət mükafatına layiq görülüb.
Bakıda Avropa Oyunlarının keçirildiyi dövrdə mətbuatda oyunlar başlamazdan əvvəl və oyunlar zamanı milyardlarla dolların məjimsənildiyini iddia edən çoxsaylı nəşrlər yayılıb. Çox güman ki, Hikkinin həbsindən sonra Bakıda da mənimsəmə faktları, habelə Azərbaycanın yüksək vəzifəli məmurları arasında Hikkinin tərəfdarları da ifşa olunacaq. -02D-
Siyasət
-
İyulun 24-ü axşam saatlarında Səbail Rayon Məhkəməsi talış tədqiqatçısı İqbal Əbilov barəsində 4 ay müddətinə həbs qətimkan tədbiri seçilib.
-
İyulun 24-də Azərbaycanın xarici işlər naziri Ceyhun Bayramov İsrail Xarici İşlər Nazirliyinin baş direktoru Yakov Blitşteyni qəbul edib.
-
Elton Məmmədovun deputatlığa namizədliyi saxtakarlığa görə ləğv edilib. Bu məsələ Mərkəzi Seçki Komissiyasının bugünkü iclasında müzakirə edilib. Bu barədə Mərkəzi Seçki Komissiyasının üzvü Qabil Orucov bildirib.
-
Keçmiş diplomat Emin Şaiq İbrahimova qarşı Cinayət Məcəlləsinin 126.2.4 (xuliqanlıq niyyəti ilə sağlamlığa qəsdən ağız zərər vurmaq) və 221.-ci (xuliqanlıq) maddələrilə ittiham elan edilib. Bu barədə vəkil Aqil Layıc Facebook səhifəsində yazıb.
Rəy yaz