Avqustun 17-də Bakı Apellyasiya Məhkəməsində ReAl hərəkatının icraçı katibi Natiq Cəfərlinin həbsi haqqında qərardan verilmiş şikayətə baxılıb. Məhkəmə şikayəti təmin etməyib, bu barədə Turan-a vəkil Cavad Cavadov bildirib.
Məhkəmə müdafiə tərəfin cinayət icraatına xitam verilməsi və qətimkan tədbirinin ev dustaqlığı ilə əvəz edilməsi haqqında vəsatətlərini də təmin etməyib.
Öz növbəsində, Cəfərli Baş Prokurorluğun guya onun etirafedici ifadə verməsi haqqında məlumatını təkzib edib. Cəfərli deyib ki, onlar, ümumiyyətlə istintaqa ifadə verməyib.
Xatırladaq ki, avqustun 15-də Baş Prokurorluq bildirib ki, Cəfərli hazırda həbsdə olan ReAl lideri İlqar Məmmədovla birlikdə Amerikanın Milli Demokratiya İnstitutundan qrant alıb və müvafiq qeydiyyat olmadan ondan istifadə edib.
Cəfərli avqustun 12-də qanunsuz sahibkarlıq və vəzifə səlahiyyətlərindən sui-istifadə ittihamı ilə həbs olunub. Cəfərli və ReAl hərəkatı ittihamları uydurma və siyasi motivli hesab edir. -06D-
Siyasət
-
Yanvarın 23-də Bakının Xətai Rayon Məhkəməsi Meydan TV-nin jurnalisti Aytac Tapdığın ev dustaqlığına köçürülməsi haqqında vəsatəti təmin etməyib. Bu barədə Turan-a vəkil Cavad Cavadov bildirib.
-
Azərbaycan, İran və Rusiya nəqliyyat nazirlərinin növbəti üçtərəfli görüşü yanvarın 28-də Moskvada keçiriləcək. Bu barədə İranın yollar və şəhərsalma naziri Fərzanə Sadiq İran-Azərbaycan Birgə İqtisadi Komissiyasının Tehranda keçirilən 16-cı iclasında bildirib.
-
Yanvarın 22-də Gəncə Ağır Cinayətlər Məhkəməsində dunyaninsesi.az saytının təsisçisi Ərşad İbrahimov hədə-qorxu yolu ilə tələb etməkdə təqsirli bilinərək 8 il müddətinə azadlıqdan məhrum edilib.
-
Yanvarın 22-də Bakı Apellyasiya Məhməkəməsində hakim Emin Əliyevin sədrliyi ilə Toplum TV nəşrinin əməkdaşı Əli Zeynalovun həbs müddətinin uzadılmasından verilmiş şikayətə baxılıb. Şikayət təmin edilməyib, bu barədə Turan-a vəkil Fariz Namazlı bildirib.
Rəy yaz