Açiq mənbələrdən foto.
Bakı/15.05.23/Turan: Azərbaycan Xarici İşlər Nazirliyi mayın 14-də Avropa İttifaqı Şurasının prezidenti Şarl Mişelin vasitəçiliyilə Azərbaycan prezidenti və Ermənistanın baş naziri arasında keçirilmiş görüşü “faydalı və nəticəyönlü” hesab edir.
“Müxtəlif müdaxilə və şərtləndirmə cəhdlərinə görə 9 aya yaxın müddətdə fasilə verilən “Brüssel formatı”nda görüşün yenidən keçirilməsi tərəflər arasında ən yüksək səviyyədə dialoqun təşviqi baxımından əhəmiyyət kəsb edir”, - Azərbaycan Xarici İşlər Nazirliyinin şərhində deyilir.
“Görüş zamanı Azərbaycan və Ermənistan arasında ikitərəfli sülh sazişi layihəsinin razılaşdırılması, sərhədlərin delimitasiyası və kommunikasiyaların bərpası istiqamətləri üzrə konkret nəticələrin əldə edilməsi məqsədilə ətraflı fikir mübadiləsi aparılıb.
Azərbaycan tərəfinin regionda sülh və sabitliyin təmin edilməsi ilə bağlı prinsipial mövqeyi bir daha tərəf müqabillərin diqqətinə çatdırılıb. Xüsusilə, dövlətlərin ərazi bütövlüyünə hörmətin bir daha təsbit edilməsi, bu kontekstdə Azərbaycanın beynəlxalq səviyyədə tanınmış ərazi bütövlüyünün Ermənistan tərəfindən də qəbul edilməsi müstəsna əhəmiyyət kəsb edir”, - nazirliyin məlumatında deyilir.
Görüş həmçinin münaqişədən sonrakı normallaşma baxımından vacib olan humanitar məsələlərin müzakirəsi üçün bir fürsət təşkil edib. Bu kontekstdə, xüsusilə itkin düşmüş şəxslərin taleyinə aydınlıq gətirilməsi və minasızlaşdırma sahələrində addımlar atılmasının sürətləndirilməsinin vacibliyi bir daha vurğulanıb.
“Biz Azərbaycan və Ermənistan arasında bir-birinin suverenliyi, ərazi bütövlüyü və beynəlxalq sərhədlərinin qarşılıqlı tanınması və hörmət edilməsi əsasında münasibətlərin normallaşdırılmasının regionda davamlı sülh və sabitliyin təmini üçün yeganə yol olduğunu bəyan edirik. Bu istiqamətdə münasibətlərin normallaşması üçün tərəqqi əldə edilməsinə dəstək verən səyləri alqışlayır, bu məqsədi güdən beynəlxalq tərəfdaşlarla dialoqu və qarşılıqlı fəaliyyəti davam etdirməyə hazır olduğumuzu bir daha təsdiq edirik”, - Azərbaycan Xarici İşlər Nazirliyinin şərhində deyilir. 06В
Siyasət
-
Bu gün Bakıya gələn Almaniya xarici işlər naziri Annalena Berbek COP29 iqlim konfransı ərazisində mətbuat konfransı keçirib.
-
Şərq Tərəfdaşlığı Vətəndaş Cəmiyyəti Forumunun (EaP CSF) Baş Assambleyası cümə günü qəbul etdiyi qətnamədə Ukraynada Rusiyanın davam edən təcavüzündən qaynaqlanan geosiyasi gərginliklərin artdığı bir şəraitdə demokratik islahatlara, regional sabitliyə və Avropa inteqrasiyasına sadiqliyini bir daha təsdiq edib.
-
Bakı 1 saylı İstintaq Təcridxanasında saxlanılan fəal Nicat İbrahim əsassız cinayət təqibinə etiraz olaraq noyabrın 20-də özünə çoxsaylı xəsarət yetirib. Bu barədə Turan-a onun xanımı Pərvin İbrahim bildirib. Onun sözlərinə görə, noyabrın 21-də həyat yoldaşı zəng edərək deyib ki, ötən gün güzgü parçası ilə özünə xəsarət yetirib. O, boğazını və qulaqlarını kəsib.
-
Bu gün Birləşmiş Millətlər Təşkilatının baş katibi Antonio Quterreş təsdiqləyib ki, Bakıda COP29 iqlim konfransında iştirak edən ölkələr gələn il üçün iqlim dəyişikliyilə mübarizəyə vəsait ayrılması barədə razılığa gəlməyiblər.
Rəy yaz