Bakıda Qaradəniz-Xəzər ölkələrinin kəşfiyyat xidmətləri nümayəndələrinin görüşü keçirilib
Sentyabrın 12-13-də Bakıda “Qara dəniz - Xəzər dialoqu” ölkələrinin kəşfiyyat xidmətlərinin rəhbərləri müşavirəsinin 10-cu iclası keçirilib.
Milli Təhlükəsizlik Nazirliyinin İctimaiyyətlə Əlaqələr Mərkəzindən Turan-a verilən məlumata görə, müşavirənin işində Bolqarıstan, Gürcüstan, Macarıstan, Moldova, Polşa, Rumıniya, Türkiyə, Ukrayna və Yunanıstanın kəşfiyyat xidmətləri rəhbərlərinin başçılıq etdikləri nümayəndə heyətləri iştirak edib.
İclasda beynəlxalq terrorçuluq, ekstremizm, habelə bu cür hüquqazidd təzahürlərin, ümumən forum dövlətlərinin təhlükəsizliyinə mümkün təhdidlərin qarşısının alınması sahəsində kəşfiyyat xidmətlərinin gələcək əməkdaşlıq perspektivləri müzakirə olunub.
Həmçinin, enerji təhlükəsizliyi məsələləri müzakirə olunub.
Görüşün yekunlarına görə Memorandum imzalanıb. -16D06-
Siyasət
-
TURANın Vaşinqton müxbiri xəbər verir ki, ABŞ dövlət katibi Entoni Blinken bazar ertəsi Azərbaycan prezidenti İlham Əliyevə zəng edərək Azərbaycan və Ermənistan arasında davamlı və ləyaqətli sülhün vacibliyini bir daha təsdiqləyib.
-
Sentyabrın 16-da Bakı Ağır Cinayətlər Məhkəməsində iş adamı, Milli Məclisin sabiq deputatı Nazim Bəydəmirlinin işi üzrə prosesdə dövlət ittihamçısı məhkəmə istintaqının yekunlaşdırılmasını təklif edib.
-
Sentyabrın 16-da Gürcüstan Miqrasiya Xidməti Azərbaycan vətəndaşı, “Azel” TV saytının təsisçisi Əfqan Sadıqova sığınacaq verməkdən imtina edib. Bu barədə Turan agentliyinə onun xanımı Sevinc Sadıqova bildirib.
-
Bakı Apellyasiya Məhkəməsi Müsavat Partiyasının sədr müavini Mustafa Hacıbəylinin növbədənkənar parlament seçkiləri zamanı pozuntulara dair şikayətini təmin etməyib.
Rəy yaz