Bakıda RF Baş Qərargah rəisi və NATO-nun Avropadakı qüvvələrinin komandanının növbəti görüşü olacaq
Bakı/01.02.20/Turan: Gələn həftə Bakıda Rusiya Silahlı Qüvvələri Baş Qərargah rəisi, ordu generalı Valeri Gerasimov və NATO-nun Avropadakı Birləşmiş Silahlı Qüvvələrinin baş komandanı general Tod Uoltersin görüşü olacaq. Bu barədə Moskvanın “Kommersant” qəzeti NATO-nun Brüsseldə mənzil-qərargahındakı mənbələrə istinadən xəbər verib.
Müzakirə olunacaq mövzular arasında bu il Rusiya və NATO ölkələrində hazırlanan hərbi təlimlər, həmçinin Suriya və Əfqanıstan ətrafındakı vəziyyət də var.
İki hərbçinin əvvəlki görüşü 10 iyul 2019-cu ildə olub. O da Bakıda keçirilib. RF Müdafiə Nazirliyinin o vaxt verdiyi məlumata görə, Valeri Gerasimov və Tod Uolters Rusiya-NATO təmas xəttində insidentlərin qarşısının alınması üçün mümkün tədbirləri müzakirə ediblər, Avropa və qlobal təhlükəsizlik sahəsində vəziyyət, habelə hərbi ekspertlərin dialoqunun bərpası perspektivləri barədə fikir mübadiləsi aparıblar. Bundan əlavə, terrorizm və dəniz piratçılığı ilə mübarizə, Əfqanıstan və Suriyadakı vəziyyətlə bağlı məsələlərə toxunulub.
Ötən ilin dekabrında Tod Uolters jurnalistlərə deyib: “Gerasimovla əvvəlki söhbətimiz çox konstruktiv oldu və mən 2020-ci ilin əvvəlində baş tutacaq növbəti söhbəti səbirsizliklə gözləyirəm”. O açıqlama verib ki, belə görüşlərdə həm Avropada, həm də qlobal miqyasda hava, dəniz, kosmos, kiberməkanda münaqişələrin aradan qaldırılması ilə bağlı problemlər müzakirə olunur.-02D-
-
- Cəmiyyət
- 1 Fevral 2020 13:06
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz