Açiq mənbələrdən foto.
Bakı/26.04.22/Turan: Rusiyada Azərbaycan saytlarının bloklanmasına cavab olaraq Azərbaycan hakimiyyəti Rusiyanın "Sputnik" İnformasiya Agentliyinin Bakıdakı nümayəndəliyinin fəaliyyətini qadağan etməlidir. Belə çağırışla çərşənbə axşamı Milli Məclisin deputatı Vahid Əhmədov çıxış edib.
Onun sözlərinə görə, bu yaxınlarda Bakı nümayəndəliyinin rəhbəri vəzifəsinə Rusiya xüsusi xidmət orqanının zabiti təyin edilib. Bundan öncə o, Abxaziya və Cənubi Osetiyada xidmət edib.
Deputat Medianın İnkişafı Agentliyini və Mətbuat Şurasını Azərbaycanda “Sputnik”in fəaliyyətinin qadağan edilməsi üçün tədbirlər görməyə çağırıb.
Öz növbəsində, Mətbuat Şurasının rəhbəri Əflatun Amaşov bildirib ki, Əhmədovun fikrini dəstəkləyir. "Bu agentlik müntəzəm olaraq obyektivliyi və balansı pozur. Odur ki, bu agentliyin Azərbaycanda gələcək fəaliyyəti barədə düşünməyə dəyər", - o, Turan agentliyinə bildirib.
Xatırladaq ki, bundan öncə “Roskomnadzor” Azərbaycan saytları Haqqın.az, Oxu.az, Minval.az, Baku.WS Rusiya ərazisində bloklayıb.
“Sputnik”in nəşrlərinə gəlincə, orada müntəzəm olaraq ermənipərəst materiallar dərc olunur, həmçinin Ukraynaya qarşı müharibənin təbliğatı aparılır.
Azərbaycanda bu Agentlik 2015-ci ildən fəaliyyət göstərir. -03B-
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz