Igor Khovayev
Bakı/09.09.22/Turan: Azərbaycan Xarici İşlər Nazirliyi Rusiya Xarici İşlər Nazirliyinin Qarabağ üzrə xüsusi nümayəndəsi İqor Xovayevin Bakıya səfərini şərh etməyib.
Onun səfəri barədə Mariya Zaxarovanın sözlərindən məlum olub. Belə ki, sentyabrın 8-də Moskvada brifinq zamanı Zaxarova bildirib ki, Rusiya Xarici İşlər Nazirliyinin xüsusi nümayəndəsi İqor Xovayev Bakıdadır.
“O, Azərbaycanla Ermənistan arasında sülh müqaviləsinin bağlanması perspektivlərini müzakirə edir. Yaxın vaxtlarda bu məqsədlə Yerevana səfər etməyi planlaşdırır”, - o deyib.
Azərbaycan Xarici İşlər Nazirliyi Xovayevin görüşləri və danışıqları barədə heç bir məlumat verməyib.
Turan-ın Xovayevin səfəri və proqramı ilə bağlı Rusiyanın Bakıdakı səfirliyindən, eləcə də Azərbaycan Xarici İşlər Nazirliyindən məlumat almaq cəhdləri nəticə verməyib.
Qeyd edək ki, ABŞ-ın Cənubi Qafqaz üzrə xüsusi nümayəndəsi və ATƏT-in Minsk Qrupunun həmsədri Filip Riker də regiondadır. O, hazırda Yrevandadır, sonra Bakıya səfər edəcək. 02B
Siyasət
-
Gürcüstan Cənubi Qafqazın hər üç ölkəsinin iştirakını nəzərdə tutuan üçtərəfli əməkdaşlıq təşəbbüsünü təklif edir.
-
Yanvarın 16-da Avropa İnsan Hüquqları Məhkəməsi (AİHM) Müsavat Partiyasından iki ərizə ilə bağlı qərarlarını açıqlayıb. Şikayət Azərbaycan hakimiyyətinin dinc toplantı keçirilməsinə icazə verməməsi ilə əlaqədar verilib.
-
Yanvarın 17-də Azərbaycan Xalq Cəbhəsi Partiyasının fəalı Əsgər Ağasoy polisin qanuni tələbinə tabe olmamaq ittihamı ilə 30 sutka inzibati həbsə məhkum edilib. O, ailəsinə zəng edərək bildirib ki, saxlanılan zaman fiziki təzyiqə məruz qalmayıb.
-
İrakli Kobaxidzenin başçılıq etdiyi Gürcüstanın nümayəndə heyəti cümə günü Azərbaycana gəlib.
Rəy yaz