![Bakıdan dinc siqnallar Yerevanı narahat edib](https://turan.az/resized/media/2018/main/121900015613-750-500-resize.webp)
Bakıdan dinc siqnallar Yerevanı narahat edib
Bakı/19.12.18/Turan: Son iki gündə Ermənistan ictimaiyyəti "Azərbaycan nə fikirləşib" "tapmacasının açması" ilə məşğuldur.
Ekspertlər, siyasətçilər və hərbçilər Azərbaycanın qoşunlarını Ermənistanla sərhəddən çəkməsinin səbəblərinə, E.Məmmədyarov Mnatsakanyanla razılaşma barədə danışarkən nəyi nəzərdə tutduğuna aydınlıq gətirməyə çalışırlar.
Ermənistan ictimaiyyətində ümumi rəy belədir: "Bakı nəsə yaxşı bir şey fikirləşməyib və bizim sayıqlığımızı itirməyimizi istəyir". Bu cür fikirlər müxtəlif adamların dilndən səslənir, ancaq çərşənbə günü politoloq Ruben Meqrabyan bu fikirləri ümumiləşdirib. O, Yerevanda keçirilən mətbuat konfransında deyib ki, "Bakının görünməmiş hərəkətləri gələcəkdə danışıqlarda istifadə olunacaq". Onun sözlərinə görə, bu gün üç mühüm dəyişikliyi qeyd etmək olar ki, bir tərəfdən, indiki şəraitdə Bakı üçün sərfəlidir, digər tərəfdən, sonradan xırda pul kimi istifadə ounacaq.
New.am saytının məlumatına görə, o deyib: "Ermənistan-Azərbaycan və Qarabağ-Azərbaycan sərhəddində görünməmiş sakitlik, Ermənistan və Azərbaycan liderləri arasında birbaşa əlaqənin qurulması, həmçinin Ermənistan-Azərbaycan sərhəddinin bəzi yerlərində sərhəd qoşunlarının yerləşdirilməsi Bakı tərəfindən danışıqlarda dinc tərəf obrazının yaradılması üçün istifadə olunacaq. Mnatsakanyanla qarşılıqlı anlaşmanın əldə olunması ilə bağlı Azərbaycan XİN rəhbərinin dünənki bəyanatı da bu məntiqə sığır".
Meqrabyan qeyd edib ki, Ermənistan hakimiyyətinin bu məsələ ilə bağlı reaksiyası adekvatdır. Belə ki, hələlik təhlükəsizliyə real zəmanət yoxdur, mühüm dəyişikliklərdən danışmaq olmaz. "Başa düşmək lazımdır ki, Qarabağın müstəqilliyindən başqa digər variantlar dinc əhalinin soyqırımına gətirib çıxaracaq. Odur ki, nə qədər ki status məsələsi həll olunmayıb, heç bir ərazi məsələsi aktual ola bilməz", - ekspert əlavə edib. 02D--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz