Qriqori Karasin: �Moskva inanır ki, Yerevan ABŞ-ın təzyiqlərinə boyun əyməyəcək�
Moskva/19.12.18/Turan: Son günlər Moskva Ermənistan hakimiyyətinin Qərbin xeyrinə ənənəvi Rusiyapərəst kursundan ələ çəkəcəyilə bağlı narahatlığını ifadə edir.
Bu narahatlığa növbəti sübut RF XİN rəhbərinin müavini Qriqori Karasinin bəyanatı olub. O, RİA-Novosti agentliyinə müsahibəsində deyib ki, ABŞ prezidentinin milli təhlükəsizlik məsələləri üzrə müşaviri Con Bolton bu yaxınlarda Yerevana səfəri zamanı tələb edib ki, Ermənistan Rusiya ilə tarixi dostluğundan imtina etsin.
O, Vaşinqtonun Ermənistanın xarici siyasi işlərinə qarışmasından narahatlığını bildirib.
Belə ki, ABŞ-ın keçmiş səfiri Riçard Millz "büdcədə necə bölgü aparmaqla bağlı Ermənistan hökumətinə açıq şəkildə ağıl öyrədib və Vaşinqtonun ödədiyi QHT-lərdən gözünü hakimiyyətdən çəkməməyi tələb edib".
Con Bolton Ermənistana Amerika silahlarını almağı və İran əleyhinə sanksiyalara mümkün qədər tez qoşulmağı tövsiyə edib.
Əgər Amerika-Ermənistan münasibətlərinin görünən tərəfi belədirsə, o zaman kulis arxasında nələrin baş verdiyini təsəvvür etmək lazımdır, Karasin deyib.
Sonra Rusiya XİN rəhbərinin müavini işarə edib ki, ABŞ Gürcüstan və Ukraynaya da məsləhətlər verirdi və nə ilə nəticələndiyi məlumdur.
"Ümid edirik ki, parlament seçkilərində lazımi mandatı alan indiki ölkə rəhbərliyi özündə cəsarət taparaq açıq xarici şantaj və təzyiqlərə qarşı duracaq və müstəqil qərar qəbul etməklə bağlı suveren hüququnu müdafiə edəcək", - Karasin deyib.
Karasinin fikirlərini şərh edən Ermənistan XİN mətbuat katibi Anna Naqdalyan deyib: "Biz dəfələrlə qeyd etmişik ki, Ermənistan ardıcıl olaraq digər ölkələrlə suveren bərabərlik prinsipi əsasında münasibətlər qurur. Biz bir tərəflə münasibətləri digərinə zərər verməklə qurmuruq. Bu mövqe gələcəkdə də xarici siyasətin əsasını təşkil edəcək".-02D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz