Bakının şərhləri düzgün deyil - Paşinyan

Bakı/01.04.19/Turan: Qarabağ münaqişəsinin nizamlanması üzrə danışıqlar prosesində yeni vəziyyət yaranıb. Bu barədə facebook-da canlı yayımda Ermənistanın baş naziri Nikol Paşinyan Vyanada Azərbaycan prezidenti ilə görüşünü şərh edərkən bildirib.

"Ölkə liderlərinin bir neçə saat görüş keçirib, daha sonra tamamən zidd şərhlər verməsi çox qəribədir", deyə Ermənistan KİV-ləri Paşinyandan sitat gətirir.

Onun sözlərinə görə, Vyanada Ermənistan və Dağlıq Qarabağ təhlükəsizlik şuralarının iclasında dedikləri barədə - yəni Qarabağın danışıqlarda bilavasitə iştirakı haqqında danışıb.

"Son vaxtlar Bakıda həmsədrlərin birgə bəyanatlarının çərçivələrini aşan şərhlər səslənir. Bu məqsədlə o, müəyyən aydınlıq gətirmək istəyir. "Biz Vyanaya Stepanakertin danışıqlara qaytarılması gündəliyi ilə getdik. Və bu, formatın dəyişdirilməsi və ya ilkin şərt deyil, sadəcə olaraq danışıqları daha səmərəli etmək cəhdidir. Azərbaycan deyir ki, format dəyişməz olaraq qalıb. Bu, razılaşdığınız məntiq çərçivəsində düzgün deyil", deyə Paşinyan bildirib.

"Vyanada tərəflər razılığa gəlməyiblər, amma biz hələ bu mövzuya qayıdacağıq", deyə o, sözünə davam edib.

Vyanada görüşdə Madrid prinsiplərinin şərhi məsələsi də qaldırılıb. Hazırki mərhələdə Ermənistan tərəfi onu maraqlandıran bütün suallara cavab alıb. -02D-