Baş Prokurorluq APA-nın bu gün yaydığı baş prokuror yanında Korrupsiyaya qarşı mübarizə idarəsinin rəis müavini Əli Nağıyevin yol qəzasına düşərək xəsarət alması və xəstəxanaya yerləşdirilməsi barədə məlumatı təkzib edir.
“Bu məlumat həqiqətə uyğun deyil”, deyə mətbuat xidmətinin məlumatında deyilir.
Baş Prokurorluq bu nəşri KİV haqqında qanunun pozuntusu, vəzifəli şəxsin işgüzar nüfuzuna xələl gətirilməsi və ictimai rəyi çaşdırmaq məqsədi kimi qiymətləndirir.
Bu zaman bildirilir ki, məlumat mətbuat xidmət rəhbərinin agentliyin əməkdaşına bu informasiyanı təkzib etməsinə baxmayaraq dərc edilib.
Prokurorluq dəqiqləşdirir ki, sentyabrın 11-də baş vermiş yüngül qəza zamanı Ə.Nağıyev ümumiyyətlə həmin avtomobildə olmayıb, onun sürücüsü isə hadisə nəticəsində heç bir xəsarət almayıb.
Baş prokurorluq xatırladır ki, yalan və böhtan xarakterli məlumatların yayılmasına görə KİV orqanı rəhbəri cinayət və digər məsuliyət daşıyır.
Baş Prokurorluq bu məsələ ilə bağlı Mətbuat Şurasına müraciət etmək niyyətindədir. -06D-
Siyasət
-
Cümə günü xarici işlər naziri Ceyhun Bayramov Türkiyənin Ermənistanla münasibətlərin normallaşdırılması üzrə xüsusi nümayəndəsi Serdar Kılıçı qəbul edib.
-
Sentyabrın 13-də Bakı Ağır Cinayətlər Məhkəməsində müxalif siyasətçi Tofiq Yaqublunun cinayət işi üzrə məhkəmədə onun ifadəsi davam etdirilib.
-
MSK bugünki iclasında 70 saylı Neftaçala Seçki Dairəsi üzrə deputatlığa namizəd, ictimai fəal Vəfa Nağının şikayətlərinə baxıb. O, kobud pozuntular və saxtalaşdırmalarla əlaqədar 23 seçki məntəqəsi üzrə səsvermənin nəticələrinin etibarsız hesab olunmasını xahiş edib.
-
Sentyabrın 13-də Gürcüstan Miqrasya xidmətinin əməkdaşı Tbilisi İstintaq Təcridxanasında bu ölkədən sığınacaq istəyən Azel TV nəşrinin təsisçisi Əfqan Sadıqovla yenidən müsahibə keçirib.
Rəy yaz