Baş Tibb İdarəsi: "Fərhad Muradovun vəziyyəti yaxşıdır"
Bakı/24.04.19/Turan: "Naradaran işi - 2" ilə bağlı həbs edilmiş "Müsəlman Birliyi" hərəkatının üzvü Fərhad Muradov ölüm ayağındadır.
Bu barədə Turan-a hüquq müdafiəçisi Samirə Ağayeva bildirib. Onun sözlərinə görə, Muradov hepatit C xəstəsidir və dünən Penitensiar Xidmətin 15 saylı islah müəssisəsində huşunu itirib. Bundan başqa, Ağayevanın sözlərinə görə, məhbusun həyatına görə narahat olan həyat yoldaşını onun yanına buraxmayıblar.
Fərhad Muradov 2015-ci ildə bir qrup digər dindarla birlikdə həbs edilib. 2017-ci il dekabrın 28-də Bakı Ağır Cinayətlər Məhkəməsi onu terrorçuluq, qanunsuz silah saxlamaq, konstitusiya quruluşunu dəyişdirmək cəhdi ittihamları ilə 12,5 il müddətinə azadlıqdan məhrum edib.
Penitensiar Xidmətdən Turan-a bildiriblər ki, həyat yoldaşının Muradovun yanına buraxılmaması haqqında məlumat həqiqətə uyğun deyil və hər bir məhbusun görüş və telefon danışığı hüququ qanunvericiliklə nəzərdə tutulmuş qaydada və həcmdə təmin edilir. Bundan başqa, məhbusun sağlamlığı məsələsi daimi nəzarət altındadır.
Ədliyyə Nazirliyinin Baş Tibb İdarəsinin rəis müavini İftixar Qurbanov da Turan-a bildirib ki, Fərhad Muradovun vəziyyətinin kritik olması haqqında məlumatlar həqiqətə uyğun deyil. "Dünən onun böyrək tutması olub. Həkimlər onu müayinə ediblər, lazımi tibbi yardım göstərilib, hazırda o, tamamilə sağlamdır", deyə Qurbanov bildirib.
Qeyd edək ki, yerli hüquq müdafiəçiləri "Nardaran - 2" işi üzrə həbs edilmiş 12 nəfəri siyasi məhbus kimi tanıyıb. Onlar hamısı 12,3 ildən 15 ilə qədər azadlıqdan məhrumetmə cəzasına məhkum ediliblər. -21B-
-
- Maliyyə
- 24 Aprel 2019 13:47
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz