Bayden Ağ Evdə Novruz bayramı şərəfinə ziyafət verib

​Vaşinqton/21.03.23/Turan: ABŞ prezidenti Co Bayden birinci xanım Cil Baydenin müşayiəti ilə bazar ertəsi Ağ Evdə Novruz bayramı şərəfinə ziyafət verib, TURANın Vaşinqton müxbiri xəbər verir.

Qonaqlara müraciət edən Bayden 4000 illik zərdüştilik ənənəsi - Novruzun bir ümid anı olmasını istəyib.

“Bu, minilliklər boyu formalaşan, bu günə qədər bütün dünyada milyonlarla insan tərəfindən qeyd olunan bayramdır və onun kökləri antik dövrlərə gedib çıxır.

Bu Şiraz bağlarında, Kabil və Ərbil dağlarında, Bakı sahillərində və ondan kənarda insanların qeyd etdiyi bayramdır”.

“Bu, çoxlarının yaşadığı qaranlıq dövrlərdən sonra ümid yaradan yeni ilin başlanğıcıdır...

Türkiyə və Suriyada dağıdıcı zəlzələdə yaxınlarını itirən ailələrə ümid.

Əfqanıstanda ağır humanitar böhranla mübarizə aparan insanlara ümid.

İnsan haqları uğrunda mübarizə aparan İran qadınlarına ümid...

Birləşmiş Ştatlar dünyanı öz inamları ilə ruhlandıran bu cəsur qadınların və bütün İran vətəndaşlarının yanındadır.

Biz İran rəsmilərini öz xalqına qarşı hücumlarına görə cavabdehlik verəcəyik”, - deyə Bayden bildirib.

Qeyd edək ki, qəbulda İranda etiraz hərəkatının qeyri-rəsmi himni olan “Baraye” melodiyası səsləndirilib. -0-