![Joe Biden](https://turan.az/resized/750/500/resize/media/2023/main/031800059988.webp)
Joe Biden
Bayden: “Putin açıq-aşkar hərbi cinayətlər törədib"
Vaşinqton/18.03.23/Turan: Cümə günü ABŞ prezidenti Co Bayden bildirib ki, Rusiya prezidenti Vladimir Putin hərbi cinayətlər törədib və Beynəlxalq Cinayət Məhkəməsinin onun həbsinə order verilməsi barədə qərarı "əsaslı" olub, Turan-ın Vaşinqton müxbiri bildirib.
Cümə günü Beynəlxalq Cinayət Məhkəməsi uşaqların qanunsuz deportasiyası və adamların Ukraynadan Rusiyaya qanunsuz köçürülməsi şübhəsilə Putini həbs etməyə çağırıb.
"Düşünürəm ki, bu, əsaslıdır", -Bayden Ağ Evin qarşısında jurnalistlərə deyib.
ABŞ lideri etiraf edib ki, məhkəmənin səlahiyyətləri nə Rusiya, nə də ABŞ tərəfindən tanınmır, "amma düşünürəm ki, bu, çox əhəmiyyətli bir arqumentdir", - o deyib.
Turan-ın müxbirinin “Putini müharibə cinayətlərə görə mühakimə etmək lazımdırmı?” sualının cavabında Bayden deyib: "O (Putin) açıq-aşkar hərbi cinayətlər törədib".
Cümə günü bundan öncə Ağ Ev hərbi cinayət törətmiş şəxslərin məsuliyyətə cəlb edilməsini alqışlayıb.
Beynəlxalq Cinayət Məhkəməsinin orderi Putinə qarşı hərbi cinayətlərində ilk ittihamdır və 2022-ci ilin fevralında Ukraynaya genişmiqyaslı hücumdan sonra Rusiya prezidentini vəhşiliklərə görə məsuliyyətə cəlb etmək üçün qlobal səylərin bir hissəsidir.
Orderdə ukraynalı uşaqların işğal olunmuş ərazilərdən Rusiyaya zorla deportasiyasına görə Putinin və Rusiya Federasiyası Prezident Administrasiyasının uşaq hüquqları üzrə müvəkkili Mariya Alekseyevna Lvova-Belovanın adları çəkilir.
-
- Böyük Şərq
- 17 Mart 2023 21:05
-
- Cəmiyyət
- 18 Mart 2023 10:52
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz