Bayden Putini "qanlı diktator" və "adi quldur" adlandırıb

Vaşinqton/18.03.22/Turan: ABŞ prezidenti Co Bayden cümə axşamı Kapitolida çıxışı zamanı Vladimir Putini “qanlı diktator” və “adi quldur” adlandırıb.

TURANın Vaşinqtondakı müxbirinin verdiyi məlumata görə, Bayden Putinə “qaniçən diktator, Ukrayna xalqına qarşı əxlaqsız müharibə aparan əsl quldurdur” deyib.

“Putinin qəddarlığı, onun qoşunlarının Ukraynada etdikləri sadəcə olaraq qeyri-insanidir” dedi.

Cümə axşamı dövlət katibi Entoni Blinken Putini müharibə cinayətlərində ittiham edən ikinci yüksək vəzifəli ABŞ rəsmisi oldu.

O, brifinqdə deyib: “Mülki insanları qəsdən hədəfə almaq müharibə cinayətidir.

Çörək növbəsini gözləyən ukraynalılara hücumu və uşaqlar gizləndiyi  teatrın bombalanmasını deyən Blinken, ABŞ-ın mühakimə olunmaq üçün müharibə cinayətlərini sənədləşdirməyə kömək etdiyini söylədi.

Təqsirli bilinərsə, Putinin taleyi necə olacaq sualına Blinken söz verdi ki, “nəticələr olacaq”.

Blinken həmçinin xəbərdarlıq edib ki, Putin kimyəvi silah hücumu üçün zəmin yaradır və sonrada “buna haqq qazandırmaq üçün Ukraynanı günahlandıracag”.

Blinken həmçinin deyib ki, Rusiya qüvvələri “yerli məmurları sistemli şəkildə oğurlayacaq  onları marionetkalarla əvəz edəcək”.

Dövlət katibi Çindən də danışıb və deyib ki, o, Putinə təsir imkanlarından istifadə etməlidir.

“Əvəzində belə görünür ki, Çin əks istiqamətdə hərəkət edir, bu təcavüzü qınamaqdan imtina edir, özünü neytral arbitr kimi göstərməyə çalışır. Biz onların Ukraynada istifadə üçün hərbi texnika ilə bağlı Rusiyaya birbaşa yardımı nəzərdən keçirməsindən narahatıq”.

TURANın müxbirinə Ağ Evdən verilən məlumata görə, Bayden bu gün Çin prezidenti Si Cinpinlə danışacaq.

"İki lider iki ölkə arasında rəqabətin idarə olunmasını, həmçinin Rusiyanın Ukraynaya qarşı müharibəsini və qarşılıqlı maraq doğuran digər məsələləri müzakirə edəcək", - Ağ Evin bəyanatında deyilir.-0-