Karen Donfried
Bakı/10.02.23/Turan: Fevralın 9-da Azərbaycan xarici işlər naziri Ceyhun Bayramov və ABŞ dövlət katibinin Avropa və Avrasiya məsələləri üzrə köməkçisi Karen Donfrid telefonla danışıblar.
Azərbaycan Xarici İşlər Nazirliyinin məlumatında deyilir ki, ikitərəfli münasibətlər, regionda vəziyyət və Azərbaycanla Ermənistan arasında sülh danışıqlarının vəziyyəti müzakirə olunub.
Bayramov qeyd edib ki, "Laçın yolunda etiraz aksiyası legitimdir və aksiya iştirakçılarının tələbləri yerinə yetirilməlidir". O vurğulayıb ki, "blokada" və "ağır humanitar vəziyyət" barədə iddiaların əsası yoxdur.
Bayramov həmçinin Ermənistanın danışıqların pozulmaması üzrə öhdəlikləri pozduğunu, öz silahlı qüvvələrini Qarabağdan qismən çıxardığını, Azərbaycan ərazisində qanunsuz iqtisadi fəaliyyət apardığını xatırladıb.
Qeyd edək ki, məlumatda Donfridin mövqeyi əks olunmayıb.
Onu da qeyd edək ki, ABŞ Dövlət Departamenti Donfridin Bayramovla söhbəti barədə məlumat dərc etməyib və Azərbaycan Xarici İşlər Nazirliyinin press-relizini şərh etməyib. 02D
Siyasət
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
Rəy yaz