Norveç Helsinki Komitəsi və “İnsan hüquqları naminə idman” beynəlxalq hüquq müdafiə koalisiyası Azərbaycanda vəkil Yalçın İmanova qarşı intizam icraat təşəbbüsü ilə bağlı narahatlığını bildirib.
Norveç Helsinki Komitəsindən Turan-a daxil olmuş bəyanatda vəkilin müvəkkili müxalifətçi Məmməd İbrahimə qarşı qeyri-obyektiv məhkəmə istintaqı ilə bağlı tənqidi ifadələrinə görə ona qarşı təzyiqlə əlaqədar narahatlıq ifadə olunub.
Norveç Helsinki Komitəsinin baş katibi Byern Endenslandın bildirdiyinə görə, İmanova və digər müstəqil vəkillərə qarşı təzyiq Azərbaycanın beynəlxalq öhdəliklərinə ziddir.
Beynəlxalq hüquq vəkillərin müstəqilliyinə və onların peşə fəaliyyətləri ilə bağlı təhlükə və təzyiqlərdən qorunmasına xüsusi diqqət yetirir.
İmanov 2007-ci ildən etibarən təcrübəli vəkil və Vəkillər Kollegiyasının üzvü kimi Azərbaycanda bir çox siyasi məhbusları müdafiə edib.
Onun müvəkkilləri arasında bir çox məşhur fəallar və jurnalistlər, o cümlədən uydurma ittihamlarla həbs olunmuş Xədicə İsmayılova, Məmməd İbrahim, Fuad Qəhrəmanlı və Murad Ədilov, Nicat Əliyev var.
Norveç Helsinki Komitəsi və “İnsan hüquqları naminə idman” beynəlxalq hüquq müdafiə koalisiyası Azərbaycan hakimiyyətini QHT üzvlərini, jurnalistləri və fəalları müdafiə edən vəkillərə qarşı təzyiqlərə son qoymağa çağırır.
Fevralın 12-də Nərimanov rayon məhkəməsinin hakimi Turqay Hüseynov Vəkillər Kollegiyasına İmanovun intizam məsuliyyətinə cəlb edilməsi haqqında müraciət göndərilməsinə sərəncam verib. Buna vəkillərin Xalq Cəbhəsi Partiyasının fəalı Məmməd İbrahimin işi üzrə müdafiə tərəfin vəsatətlərinin təmin edilməməsini və qeyri-obyektiv istintaqı tənqid etmələri olub. -16D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz