Şəhla Hümbətova
Beynəlxalq Hüquqşünaslar Assosiasiyasının İnsan Hüquqları İnstitutu vəkil Şəhla Hümbətovanın lisenziyadan məhrum edilməsini pisləyir
Bakı/29.03.21/Turan: Beynəlxalq Hüquqşünaslar Assosiasiyasının İnsan Hüquqları İnstitutu (IBAHRI) Bakı İnzibati Məhkəməsi tərəfindən hüquq müdafiəçisi Şəhla Hümbətovanın vəkil statusundan məhrum edilməsini qətiyyətlə pisləyir.
Bu qərar Azərbaycan Vəkillər Kollegiyasının Hümbətovanın lisenziyadan məhrum edilməsi haqqında vəsatəti əsasında qəbul edilib. Bu fakt qeyri-proporsional və siyasi motivli hesab edilir.
Hümbətova səs-küyə səbəb olan işlərdə vətəndaş hüquqlarının müdafiəsində iştirakı ilə məşhurdur və 5 mart 2021-ci ildə guya üzvlük haqqını ödəmədiyinə görə vəkil statusundan məhrum edilib. Amma vəkil özü ona bu problem haqqında heç kimin məlumat vermədiyini deyir.
“Mən bu barədə kollegiyanın məni məhkəməyə vermək qərarından bir gün sonra kütləvi informasiya vasitələrindən öyrəndim”. Hümbətova deyib ki, dərhal ona düşən üzvlük haqlarını ödəyib, bu da ona qarşı iddianın mübahisəli olmasına səbəb olub. Hümbətovanın vəkil statusundan məhrum edilməsi son illər Azərbaycanda digər hüquqşünaslara – hüquq müdafiəçilərinə - Elçin Namazova və Xalid Bağırova qarşı göstərilən “sistemli və məqsədyönlü təzyiqin” nəticəsidir. Namazovun və Bağırovun statusdan məhrum edilməsi qərarı Avropa İnsan Hüquqları Məhkəməsi tərəfindən ləğv edilib.
Beynəlxalq Hüquqşünaslar Assosiasiyasının İnsan Hüquqları İnstitutunun həmsədri Maykl Kirbi deyib: “Hümbətovaya və Azərbaycanda digər hüquqşünaslara – hüquq müdafiəçilərinə qarşı addımlar onların nəinki peşə hüquqlarının pozulmasından qorunmadıqlarını, həm də əsassız məhkəmə təqibinə məruz qaldıqlarını göstərir. Hümbətova insan hüquqlarının pozulması haqqında çoxsaylı səs-küy doğuran işlərdə iştirak edib, həbs edilənlərə qarşı işgəncə faktları olan “Gəncə işi”ndə vəkil qismində çıxış edib, o, həmçinin siyasi məhbus və bloger Mehman Hüseynovun hüquqlarını təmsil edib.
Hümbətova ABŞ Dövlət Departamentinin 2020-ci il üçün cəsarətə görə mükafatının laureatıdır. Bu mükafat dünyada müstəsna cəsarət və sülhün, ədalətin, insan hüquqlarının qorunmasında liderlik nümayiş etdirən qadınlara verilir”, deyə o qeyd edib.
İnstitutun digər həmsədri Anne Ramberq deyib: “Bütün dünyada insan hüquqları üzrə vəkillərin öz peşə öhdəliklərini yerinə yetirdiklərinə görə təqiblərə və təhdidlərə məruz qalması təmayülü müşahidə olunur. Hümbətovanın kollegiyadan çıxarılmasının nəticəsi onun müştərilərinin maraqlarını təmsil edə bilməməsidir. Hüquqşünaslara – hüquq müdafiəçilərinə qarşı sistemli sui-istifadələrə son qoyulmalıdır, çünki bu, qanunun aliliyinə və demokratiyaya çox ciddi təhlükə yaradır”. -02D-
-
- Siyasət
- 29 Mart 2021 12:29
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz