Beynəlxalq Vəkillər Assosiasiyası Xalid Bağırovun müdafiəsinə qalxıb
Böyük Britaniyada yerləşən Beynəlxalq Vəkillər Assosiasiyası Azərbaycan hakimiyyətini Xalid Bağırovu vəkillik fəaliyyətindən məhrum etməməyə çağırıb. Əsasən Nizami Rayon Məhkəməsinə müraciətdə Azərbaycanın da qoşulduğu Avropa İnsan Hüquqları Konvensiyasının 6-cı maddəsinə uyğun olaraq ədalətli məhkəmənin keçirilməsinə çağırılır.
Xatırladaq ki, Azərbaycan Vəkillər Kollegiyası X.Bağırovun vəkillik fəaliyyətindən kənarlaşdırılması barədə iddia qaldırıb. Bu, X.Bağırovun bur çox jurnalist və vətəndaş cəmiyyəti fəalının hüquqlarını müdafiə etməsi fonunda baş verir.
Assosiasiyanın həmsədri Hans Korella deyib: “Beynəlxalq Hüquqşünaslar Assosiasiyası Xalid Bağırovun lisenziyasının dayandırılması ilə bağlı Azərbaycan Hüquqşünaslar Assosiasiyasının qərarından narahatdır.
X.Bağırovun vəkillik fəaliyyətindən kənarlaşdırılması Azərbaycan hakimiyyətinin tənqidi səsləri boğmaq və özgəfikirliliyin istənilən formasının kökünü kəsmək cəhdinə uyğundur. Qısası, vətəndaş cəmiyyətini susdurmaq cəhdidir.
Azərbaycan Hüquqşünaslar Assosiasiyası ölkədə hüquqi peşələrin maraqlarını müdafiə etməyə qadir olan müstəqil institut deyil. Bubun əvəzinə bu qurum hökumətin əli kimi hərəkət edir, öz üzvlərini siyasi motivli məhkəmə proseslərində iştiraka görə təqib edir”, - o bildirib.
Sonra bəyanatda qeyd olunur ki, Azərbaycanın Avropa Şurası Nazirlər Kabinetində sədrliyi dövründə ölkədə insan hüquqlarının vəziyyəti xeyli pisləşib. Son aylar vəkillər, məhbusların maraqlarını müdafiə edən hüquq müdafiəçiləri onların işinə şahid kimi cəlb olunurlar. Bu, müdafiə etdikləri şəxslərin müdafiəsi işini pozmaq məqsədilə hazırlanan strategiyanın təzahürüdür.
Xatırladaq ki, X.Bağırov REAL hərəkatının lideri İlqar Məmmədov, hüquq müdafiəçisi Leyla Yunus və onun həyat yoldaşı Arif Yunus, bloger Əbdül Əbilov, NİDA hərəkatının fəalları, fəal Ömər Məmmədovun və digərlərinin müdafiəsindən kənarlaşdırılıb.
2014-cü ilin avqustunda Beynəlxalq Vəkillər Assosiasiyası, Amnesty International, Human Rights Watch və digər beynəlxalq təşkilatlar Avropa Şurası baş katibinə birgə məktub ünvanlayaraq Strasburqu Azərbaycanda repressiyalara son qoymaq üçün addımlar atmağa çağırıblar.
Beynəlxalq Hüquqşünaslar Assosiasiyası 1947-ci ildə yaradılıb. Vəkillər, hüquqi firmalar, vəkil kollegiyaları və hüquqi cəmiyyətlərin qlobal üzvlüyü sayəsində qurum beynəlxalq hüquq sahəsində islahatlara və inkişafa təsir göstərir.-02D-
-
- İqtisadiyyat
- 2 Fevral 2015 12:37
-
- Siyasət
- 2 Fevral 2015 13:14
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz