![Эльданиз Салимов](https://turan.az/resized/media/2021/main/080300036394-750-500-resize.webp)
Эльданиз Салимов
Binəqədi məhkəməsi Eldəniz Səlimovu üç ay müddətinə həbs etdi /Yenilənib/VIDEO/
Bakı/03.08.21/Turan: Bu gün Binəqədi məhkəməsi Eldəniz Səlimovu üç ay istintaq müddətinə həbs etdi.
* * *
2021 Avqust 03 (Çərşənbə axşamı) 19:29:02
Məhkəmə Eldəniz Səlimovun həbsi məsələsinə baxacaq /YENİLƏNİB/
Bakı/03.08.21/Turan: Bu gün deputat toxunulmazlığından məhrum edilmiş deputat Eldəniz Səlimov saxlanılıb və Binəqədi Rayon Məhkəməsinə aparılıb. Orada Səlimovun həbsilə bağlı prokurorluğun təqdimatına baxılacaq. Bu barədə Turan-a prokurorluqdakı mənbə bildirib. –06D-
* * *
2021 Avqust 03 (Çərşənbə axşamı) 14:02:14
Eldəniz Səlimov deputat toxunulmazlığından məhrum edilib
Bakı/03.08.21/Turan: Avqustun 3-də səhər Milli Məclisin növbədənkənar sessiyasında Eldəniz Səlimovun deputat toxunulmazlığından məhrum edilməsi məsələsinə baxılmasına başlanılıb. Müvafiq təqdimatı baş prokuror Kamran Əliyev verilib.
Baş prokuror deputatlar qarşısındakı çıxışında deyib ki, Eldəniz Səlimovun toxunulmazlıqdan məhrum edilməsi üçün kifayət qədər əsas var..
Məlum olduğu kimi, iyulun 29-da gecə saatlarında sərxoş vəziyyətdə olan Səlimov onu karantin rejiminin qaydalarına əməl etməyə çağıran polis əməkdaşını döyüb. Faktla bağlı prokurorluq Cinayət Məcəlləsinin 309.2-ci maddəsi (vəzifə səlahiyyətlərinin aşılması) ilə cinayət işi qaldırıb.
Bu insidentin müzakirəsi zamanı deputatların əksəriyyəti Səlimovun hərəkətlərini pisləyib. Məsələ səsə qoyulub və səs çoxluğu ilə qəbul edilib.
İrəli sürülmüş ittiham üzrə Səlimovu əmlakı müsadirə edilməklə 3 ildən 7 ilədək azadlıqdan məhrumolunma cəzası gözləyir. -02B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz