Blinken: "Heç bir ölkənin sərhədləri güc yolu ilə dəyişdirməsinə imkan verilməyəcək"

Vaşinqton/30.11.23/Turan: NATO ölkələrinin yüksək səviyyəli diplomatları çərşənbə günü Brüsseldə ikigünlük görüşü yekunlaşdırıblar, hərbi yardımın azalmasına və Yaxın Şərqdə müharibə ilə bağlı narahatlıqlara baxmayaraq, Ukraynanı dəstəkləməyə davam edəcəklərinə söz veriblər.

"Putinin amansızlığının davam etdiyi ikinci qışa başladığımız bir vaxtda ABŞ və ya NATO üzrə digər müttəfiqlər Ukraynanı dəstəkləməyə davam etməlidir? NATO-nun buna cavabı aydın və dəyişməzdir: biz Ukraynanı dəstəkləməliyik və dəstəkləyəcəyik", deyə ABŞ dövlət katibi Entoni Blinken jurnalistlərə bildirib.

Onun sözlərinə görə, Rusiyanın təcavüzkar müharibəsinin strateji uğursuzluq olaraq qalmasını təmin etmək üçün bu gün bu, təxminən iki il əvvəl Kremlin bu müharibəyə başlaması zamanı olduğu qədər vacibdir.

"Biz Rusiyanın başqalarının gələcəyini müəyyən etməyə və diktə etməyə çalışaraq, güc yolu ilə başqa bir ölkənin sərhədlərini qanunsuz olaraq dəyişdirməsinə imkan versək, onda istənilən potensial təcavüzkar eyni şeyi edə bilər. Məhz buna görə bizim üçün, eyni zamanda hər bir ölkə üçün Ukraynanın arxasında möhkəm dayanmaq vacib idi. Bunun əksini isbat edən heç nə eşitməmişəm".

ABŞ-ın yardım ayırması ilə bağlı narahatlıq artıb, belə ki, Konqres prezident Baydenin Kiyevə 61,4 milyard dollar ölçüsündə əlavə yardım ayrılması haqqında sorğusuna cavabı gecikdirir. Blinken layihənin təsdiq ediləcəyindən əmin olduğunu bildirib.

O, həmçinin Ukraynaya qarşı müharibədə İranın roluna toxunub. "Ötən həftə sonu Kiyevə tarix boyunca ən böyük hücumda istifadə olunan dronların əksəriyyətini İran tədarük edib", deyə o bildirib.

Şimali KOreya da Rusiyaya xeyli silah tədarük edir.

"Tarif hamımıza aydındır və biz birmənalı mesaj verməliyik: heç bir ölkənin sərhədləri güc yolu ilə dəyişdirməsinə imkan verilməyəcək", deyə Blinken bildirib. 0