![Açiq mənbələrdən foto.](https://turan.az/resized/media/2022/main/101400052499-750-500-resize.webp)
Açiq mənbələrdən foto.
Blinken: Putin heç vaxt bu dərəcədə təcrid olunmamışdı
Vaşinqton/14.10.22/Turan: BMT Baş Assambleyasında Moskvanı Ukraynanın yeni ərazilərini ilhaq etmək cəhdinə görə qınayan səsvermə "Putinin heç vaxt bu dərəcədə təcrid olunmadığını" göstərib, bu barədə ABŞ dövlət katibi Entoni Blinken bildirib.
Birgə mətbuat konfransında Meksika rəsmiləri ilə görüşən Blinken xatırladıb ki, 143 ölkə, o cümlədən ABŞ və Meksika Rusiyanın saxta referendumlarını beynəlxalq hüququn açıq-aşkar pozuntusu kimi qiymətləndirib, Moskvanın Ukraynanın suveren ərazisini qanunsuz olaraq ilhaq etmək cəhdini birmənalı şəkildə rədd edib.
BMT-nin qətnaməsi nəinki Moskvanı qınayır, həm də "prezident Putinin əslində dağıtmağa çalışdığı hər şeyə qlobal dəstəyin qəti təsdiqidir", deyə Blinken bildirib.
"Dünya heç vaxt Rusiyaya qarşı bu qədər birləşməmişdi, prezident Putin isə heç vaxt bu dərəcədə təcrid olunmamışdı", deyə Blinken qeyd edib.
* Çərşənbə günü BMT BA Rusiyanı Ukrayna ərazilərini ilhaq etmək cəhdinə görə qınayan qətnamə qəbul edib. 143 ölkə qətnamənin "lehinə", 5 ölkə "əleyhinə" səs verib, 35 nəfər səs verməkdən yayınıb, Azərbaycan da daxil olmaqla, 10 ölkə səsvermədə iştirak etməyib. 0
-
- Foto sessiyalar
- 13 Oktyabr 2022 22:30
-
- Siyasət
- 14 Oktyabr 2022 11:03
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
70 saylı Neftçala seçki dairəsindən deputatlığa namizəd, ictimai fəal Vəfa Nağı Qaçaqkənd kəndindəki 40 saylı seçki məntəqəsində ona qarşı fiziki zorakılığa məruz qaldığını bildirib.
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
Rəy yaz