Açiq mənbələrdən foto.
Blinken və Ostin Kiyevdə Zelenski ilə görüşüblər
Vaşinqton/25.04.22/Turan: ABŞ-ın dövlət katibi Entoni Blinken və müdafiə naziri Lloyd Ostin bazar günü Kiyevə əvvəlcədən elan edilməmiş səfər ediblər, burada Ukrayna prezidenti Vladimir Zelenski və digər önəmli vəzifəli şəxslərlə görüşüblər.
Blinken və Ostin Rusiyanın hücumundan sonra ABŞ-ın Ukraynaya ilk rəsmi səfərindən ABŞ səfirliyinin tədricən ölkəyə qayıdacağını və yeni səfir təyin edildiyini elan etmək üçün istifadə edib, bu barətə Turan-ın müxbirinə Dövlət Departamentinin nümayəndəsi bildirib.
Blinken və Ostin həmçinin Amerikanın bu yaxınlarda Ukraynaya göndərdiyi hərbi yardımı, Ukrayna hərbiçilərinin hazırlığını, həmçinin Bayden administrasiyasının Ukraynaya NATO hərbi sistemlərindən istifadə etməkdə kömək üçün 713 milyon dollar əlavə hərbi maliyyə yardımı ayırmaq niyyətini müzakirə ediblər.
Eyni zamanda Blinken bildirib ki, prezident Bayden veteran diplomat Bricit Brinki ABŞ-ın Ukraynada səfiri təyin edəcək. Bu vəzifə 2019-cu ilin mayından etibarən boş idi. Brink hazırda ABŞ-ın Slovakiyada səfiridir.
Dövlət katibi Blinkenin çərşənbə axşamı və cümə axşamı Kiyevə səfərinin yekunlarına dair Senatda və Nümayəndələr Palatasında çıxış edəcəyi gözlənilir, deyə ABŞ Konqresindən Turan-ın müxbirinə bildiriblər.
Dövlət katibi Ostin Almaniyaya səfər edəcək, burada Ukraynanın müdafiə ehtiyaclarını müzakirə etmək üçün ABŞ-ın Ramştayndakı aviabazasında 20-dən çox ölkənin hərbi rəhbərlərini və NATO baş katibi Yens Stoltenberqi qəbul edəcək. -25В-
-
- Maliyyə
- 25 Aprel 2022 11:00
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz