Bakı/30.03.19/Turan: BMT baş katibi Antoniu Quterriş öz bəyanatında Azərbaycan prezidenti İlham Əliyevlə Ermənistanın baş naziri Nikol Paşinyanın martın 29-da Vyanada ATƏT-in Minsk Qrupu həmsədrlərinin himayəsi altında keçirilmiş görüşünü alqışlayıb. Bu barədə BMT mətbuat xidmətinin məlumatında bildirilir.
BMT rəhbəri qeyd edib ki, iki ölkə liderləri əsas diqqəti sülhə və danışıqların gələcəkdə irəliləməsinə xidmət edən şəraitin yaradılmasına yönəldiblər. O həmçinin atəşkəs rejiminin möhkəmləndirilməsinə və humanitar məsələlərin həllinə, eləcə də münaqişənin dinc nizamlanması məqsədilə dialoqun davam etdirilməsinə sadiqliyi alqışlayıb.
Antoniu Quterriş "ATƏT-in Minsk Qrupunun mühüm vasitəçilik səylərinin" BMT tərəfindən tam dəstəkləndiyini bir daha bəyan edib. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz