Hərbi əməliyyatlar şəraitində jurnalistlərin öldürülməsi və təqib edilməsi beynəlxalq birlik, o cümlədən Təhlükəsizlik Şurası tərəfindən daha qətiyyətli addımlar tələblər edir. Bu barədə BMT baş katibinin birinci müavini Yan Eliasson Nyu Yorkda Təhlükəsizlik Şurasının iclasında bildirib.
O deyib ki, son on ildə öz peşə borcunu yerinə yetirərkən 600-dən çox jurnalist həlak olub.
“Təhlükəsizlik Şurası kütləvi informasiya vasitələrinin susdurulmasına qarşı çıxış etməklə mühüm rol oynaya bilər. Çünki jurnalistlərin qətlə yetirilməsi sülh və təhlükəsizliyə təhdidlər barədə informasiya mənbəyinin kəsilməsidir ”, - Y.Eliasson “Silahlı münaqişələrdə mülki şəxslərin müdafiəsi: jurnalistlərin müdafiəsi” mövzusunda dinləmələrdə çıxış edərkən bildirib.
O qeyd edib ki, silahlı münaqişələr şəraitində “dördüncü hakimiyyət”in nümayəndələri daha çox təhlükəyə məruz qalırlar. Ötən il təkcə Suriyada 41 jurnalist öldürülüb. 2006-cı ildən İraqda və Əfqanıstanda 108 jurnalist həlak olub.
“Jurnalistlərə hücumlar onların oğurlanması, girov götürülməsi, sıxışdırılması, qorxudulması, qanunsuz həbslər formasında həyata keçirilir. Qadın jurnalistlər seksual həqarət və zorlamalara məruz qalırlar”, - BMT nümayəndəsi vurğulayıb.
Y.Eliasson jurnalistlərə qarşı cinayətlərin üstünün açılması üçün bütün səyləri göstərməyə çağırıb. O, jurnalistlərin qətlinin 90%-nin cəzasız qalmasını qəbuledilməz və sarsıdıcı vəziyyət adlandırıb.
2012-ci ildə dünya üzrə 121 jurnalist qətlə yetirilib, 200-dən çox jurnalist həbs edilib, çoxu hücumlara məruz qalıb. -02B-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz