Bakı/20.09.18/Turan: Bu gün BMT-nin Cenevrədəki mənzil-qərargahında İnsan Hüquqları Şurasının iclasında təşkilatın Azərbaycan üzrə öhdəliklərinin yerinə yetirilməsi müzakirə olunub.
Hökumətin adından xarici işlər nazirinin müavini Xələf Xələfov çıxış edib. O, Azərbaycanda insan hüquqlarının təminatı sahəsində həyata keçirilən tədbirlərdən danışıb. Əsasən Azərbaycanda beynəlxalq təşkilatların tövsiyələrinin icrası üzrə Məşvərət Şurasının yaradılmasına hazırlıq haqda məlumat verib.
İclasda iştirak edən Reportyorların Azadlıq və Təhlükəsizlik İnstitutunun icraçı direktoru Emin Hüseynov Turan-a bildirib ki, çıxış edənlərin çoxu qeyd edib ki, Azərbaycan tövsiyələri yerinə yetirməyib.
"Artikl 19" təşkilatının nümayəndəsi bir sıra beynəlxalq təşkilatın adından xüsusi bəyanatla çıxış edib. Bəyanatda deyilir ki, Azərbaycanda vətəndaş cəmiyyətinin işi olduqca məhdudlaşdırılıb, xarici donorlara işləməyə imkan verilmir, hakimiyyət vəkillərə və QHT-lərə təzyiqləri artırır, jurnalistləri və hökuməti tənqid edən şəxsləri həbsxanadan buraxmırlar.
Öz növbəsində E.Hüseynov qeyd edib ki, yaradılan Məşvərət Şurasında müstəqil QHT nümayəndələri də təmsil olunmalıdır. -06B--
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz