BMT-nin insan hüquqları üzrə Alt komitəsinin Azərbaycandakı missiyasının pozulması beynəlxalq səhnədə ölkənin imicinə ciddi ziyan vuracaq, hüquq müdafiəçiləri belə hesab edir.
“Hakim rejim 20 il ərzində və xüsusən son 10 ildə beynəlxalq təşkilatların nümayəndələrinə qarşı belə etinasızlıq göstərir. İndi isə onlar BMT nümayəndələrinin öz öhdəliklərini yerinə yetirməsinin qarşısını tamamilə aldılar”, deyə Demokratik Qüvvələrin Milli Şurasının (DQMŞ) üzvü, hüquqşünas Namizəd Səfərov Turan-a bildirib.
Birləşmiş Millətlərin nümayəndələrinə qarşı belə nəzakətsiz davranış iz buraxmadan keçməyəcək və hesabatlarda əksini tapacaq, hüquqşünas belə hesab edir.
Son nəticədə bu siyasət Azərbaycana qarşı sanksiyalara gətirib çıxara bilər, Səfərov belə hesab edir.
İşgəncələr Əleyhinə Komitənin rəhbəri Elçin Behbudov da BMT missiyasının pozulmasını pisləyib.
Onun sözlərinə görə, BMT-nin İnsan Hüquqları üzrə Alt komitəsinin və Avropa Şurasının İşgəncələr Əleyhinə Komitəsinin missiyaları həbsdə saxlama yerlərinə maneəasiz çıxış hüququna malikdirlər.
Behbudovda olan məlumata görə, BMT-nin hazırki missiyası Bakıda və rayonlarda bir sıra polis idarəsinə maneəsiz baş çəkib, lakin Ədliyyə Nazirliyi Penitensiar Xidmətinin bəzi müəssisələrində onlara maneələr yaradılıb.
O, məmurların əsassız hərəkətləri səbəbindən ölkənin imicinə ziyan vurulmasından təəssüfünü bildirib.
Behbudov həmçinin bildirib ki, İşgəncələr Əleyhinə Komitənin nümayəndələri də penitensiar müəssisələrə buraxılmır.
“Müntəzəm monitorinqləri demirəm, amma fərdi şikayətlərin yoxlanılması üçün belə bizi penitensiar müəssisələrə buraxmırlar. Eyni zamanda, biz əvvəlcədən xəbərdarlıq etmədən polis təcridxanalarına, MTN-in istintaq təcridxanasına, qauptvaxtaya və Müdafiə Nazirliyinin cəza batalyonuna və digər məcburi saxlama yerlərinə baş çəkirik”, deyə Behbudov qeyd edib.
Xatırladaq ki, sentyabrın 17-də BMT-nin Bakı Nümayəndəliyi penitensiar müəssisələrə baş çəkərkən yaradılan maneələr səbəbindən BMT-nin İşgəncələr Əleyhinə Alt komitəsinin missiyasının Azərbaycana səfərini vaxtından əvvəl baş vurması haqqında məlumat yayıb. -06B-
Siyasət
-
Bakıdakı Rus Evi ətrafında sosial şəbəkələrdə yayılan dezinformasiyalar Rusiya-Azərbaycan münasibətlərinə xələl gətirmək məqsədi daşıyır.
-
Baş Prokurorluq Bakının Qaradağ, Binəqədi və Xəzər rayonlarında, həmçinin Tərtər rayonunda qanunsuz hasilat aparılması və torpaq sahəsinin qanunsuz zəbt edilməsi faktları üzrə araşdırma aparıb.
-
“Abzas Media” nəşrinin işilə əlaqədar fevralın 11-nə təyin olunmuş növbəti məhkəmə iclası keçirilməyib.
-
Fevralın 11-də prezident İlham Əliyev “Azərbaycan Respublikası hökuməti ilə Rusiya Federasiyası hökuməti arasında “Şimal-Cənub” beynəlxalq nəqliyyat dəhlizi ilə tranzit yük daşımalarının inkişafı məqsədilə əməkdaşlıq haqqında saziş”i təsdiq edib.
Rəy yaz