Cenevrə/15.10.21/Turan: BMT-nin Əməkçi Miqrantlar Komitəsi son sessiyasında Azərbaycan hakimiyyətinə tövsiyələr dərc edib. Bu tövsiyələr Əməkçi miqrantların və onların ailə üzvlərinin hüquqlarının müdafiəsi haqqında Beynəlxalq Konvensiyaya riayət olunması ilə bağlıdır. Bu barədə Komitənin 14 oktyabr tarixli press-relizində deyilir.
Xüsusən, ƏMK Azərbaycana miqrasiyaya hüquq müdafiə yanaşmasına sadiq qalmağı, o cümlədən sərhədin qanunsuz keçilməsinə görə cinayət məsuliyyətini ləğv etməyi tövsiyə edib.
Komitə mühacirlərin inzibati qaydada saxlanılması təcrübəsi ilə bağlı narahatlığını ifadə edib, Azərbaycanı uşaqların və işçi miqrantların digər həssas qruplarının, habelə sığınacaq istəyənlərin və qaçqınların saxlanılmasına son qoymağa çağırıb. Həbsdə saxlamaq yerinə alternativ tədbirlər tətbiq etmək tövsiyə olunur.
ƏMK həmçinin insan alveri ilə bağlı işləri səmərəli şəkildə araşdırmağa və cinayət işləri açmağa çağırıb. -02D-
Siyasət
-
Avropa İttifaqı Şurasının Prezidenti Antonio Koşta yanvarın 9-da Azərbaycan Respublikasının Prezidenti İlham Əliyevə zəng edib.
-
Ermənistanın baş naziri Nikol Paşinyan Facebook səhifəsində regionda uzuznmüddətli sülhün bərqərar olması ilə bağlı təkliflərini dərc edib. Bu təkliflər arasında o, Azərbaycana təkcə beynəlxalq məhkəmələrdə deyil, ümumiyyətlə də qarşılıqlı iddialardan imtina etməyi təklif edib.
-
ABŞ Ukrayna üçün yeni və prezident Co Baydenin administrasiyası dövründə sonuncu hərbi yardım paketini açıqlayıb. ABŞ-ın müdafiə naziri Lloyd Ostin Almaniyada bildirib ki, yardımın məbləği 500 milyon dollar təşkil edir.
-
Bakıda 10 yeni metro stansiyasının inşa ediləcəyi gözlənir. Bu barədə yanvarın 7-də jurnalistlərlə görüş zamanı prezident İlham Əliyev danışıb.
Rəy yaz