Açiq mənbələrdən foto.
Bakı/01.07.22/Turan: Sofiya Moskvanın təhdidlərindən qorxmayıb və Rusiya diplomatik missiyasının kəşfiyyat və pozuculuq fəaliyyətilə məşğul olan 70 işçisini ölkədən çıxarmaq qərarını təsdiqləyib.
Bundan öncə Rusiyanın bu ölkədəki səfiri Eleonora Mitrofanova (Dövlət Dumasının deputatı və Jirinovskinin ən yaxın tərəfdaşı Aleksey Mitrofanovun bacısı) bildirib ki, Bolqarıstan hakimiyyəti 70 diplomatın ölkədən çıxarılması qərarının ləğv edilməsilə bağlı onun müraciətinə məhəl qoymayıb.
Bununla əlaqədar o, Sofiyada səfirliyin bağlanması məsələsini Rusiya rəhbərliyinin qarşısında qaldırmaq niyyətindədir.
Ötən gün Mitrofanova Bolqarıstan Xarici İşlər Nazirliyinə çağırılıb və diplomatların ölkədən çıxarılması barədə qərara yenidən baxılmasını xahiş edib.
Əks halda söhbət səfirliyin bağlanmasından gedə bilər.
İyulun 1-də səhər Bolqarıstanın baş naziri Kiril Petkov videomüraciətlə çıxış edib. O bildirib ki, xarici diplomatların Bolqarıstan dövlətinə ultimatum verməsinə imkan verməyəcək.
Bolqarıstan Ukraynaya hücumu kəskin şəkildə pisləyib və Rusiya qazını rublla ödəməkdən imtina edib. Buna cavab olaraq parlamentdəki Rusiyapərəst qüvvələr ölkənin koalisiya hökumətini dağıdıblar. 02D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz