Buu gün xarici işlər naziri Elmar Məmmədyarov Bosniya və Herseqovinanın xarici işlər naziri Zlatko Laqumciyanın başçılıq etdiyi nümayəndə heyətini qəbul edib.
XİN-in mətbuat xidmətinin verdiyi məlumata görə, Məmmədyarov iki ölkə arasındakı münasibətlərin mövcud səviyyəsindən məmnunluğunu bildirib. Ölkələrimiz arasında siyasi dialoqun yüksək səviyyədə olduğunu vurğulayan nazir Elmar Məmmədyarov Bosniya parlamenti tərəfindən Xocalı soyqırımına dair qətnamənin qəbul olunmasını yüksək qiymətləndirmiş və təşəkkürünü bildirib. İki ölkə arasında iqtisadi, enerji, turizm, humanitar, mədəni sahələrdə əməkdaşlıq üçün geniş potensialın olduğunu qeyd edib və iqtisadi əməkdaşlığın genişləndirilməsinə zəmin hazırlamaq məqsədilə müqavilə-hüquq bazasının möhkəmləndirilməsinin əhəmiyyətini vurğulayıb. Nazir, həmçinin əməkdaşlığın genişləndirilməsi üçün birgə hökumətlərarası komissiyanın yaradılması və ikiqat vergitutmanın aradan qaldırılması və investisiyaların qorunması üzrə sazişlərin hazırlanmasının zəruriliyini nəzərə çatdırıb.
Bosniya və Herseqovinanın xarici işlər naziri Zlatko Laqumciya ölkəmizə səfərindən məmnun olduğunu qeyd edərək, ölkəsinin Azərbaycanla əməkdaşlığı genişləndirməkdə maraqlı olduğunu bildirib. Ölkəmizlə siyasi sahədə yüksək əməkdaşlığın mövcud olduğunu və Bosniya parlamentinin fevral ayında qəbul etdiyi qətnamənin Ermənistan-Azərbaycan münaqişəsində Azərbaycanın haqlı mövqeyini dəstəklədiyini vurğulayıb. Azərbaycan və Bosniya və Herseqovinanın bir çox ölkələr üçün mədəniyyətlərin və dinlərin sülh şəraitində birgə yaşadığı model ölkələr olduğunu qeyd edən Zlatko Laqumciya, ölkəsində həyata keçirilən infrastruktur, enerji, turizm layihələrində Azərbaycan şirkətlərini iştirak etməyə dəvət edib. Bosniyalı nazir, həmçinin Heydər Əliyev Fondunun Bosniya və Herseqovinada həyata keçirdiyi humanitar layihələri yüksək qiymətləndirmiş və təşəkkürünü bildirib.
Hər iki nazir görüş zamanı regional və beynəlxalq təşkilatlar çərçivəsində qarşılıqlı dəstəyin davam etdirilməsi üzrə razılıq əldə etmiş və qarşılıqlı maraq doğuran regional və beynəlxalq məsələlər ətrafında fikir mübadiləsi aparıblar. -06D-
Siyasət
-
7 fevral 2025-ci il tarixdə Azərbaycan – Ermənistan dövlət sərhədində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Ermənistan Respublikası Əsir düşmüş, saxlanılmış və itkin şəxslər üzrə idarələrarası komissiyasının nümayəndələri arasında görüş baş tutmuşdur.
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
-
Fevralın 6-da Vaşinqtonda Ermənistanın baş naziri Nikol Paşinyan ABŞ-ın vitse-prezidenti Ceyms Vensla görüşüb.
Rəy yaz