Bakı/13.12.19/Turan: Böyük Britaniyada parlament seçkiləri mühafizəkarlar üçün böyük qələbə olacaq. Bu fikri bu gün Böyük Britaniyanın Azərbaycandakı səfiri Ceyms Şarp söyləyib.
“Proqnoz belədir ki, hakim Mühafizəkarlar Partiyası parlamentdə çox yer qazanacaq. Bundan əvvəlki tərkibdə onlar üstünlüyə, səs çoxluğuna malik deyildi. Odur ki, mühafizəkarlar Böyük Britaniyanın Avropa İttifaqından çıxması ilə bağlı sazişi parlamentdə təsdiqlənməsinə nail ola bilmədilər. Beləliklə, gələn il yanvarın 31-də Böyük Britaniya Avropa İttifaqını tərk edə bilər”, - səfir deyib.
Azərbaycanda keçiriləcək parlament seçkiləri ilə bağlı sualı cavablandıran səfir bildirib ki, Böyük Britaniya və Azərbaycan parlament sistemləri tamamilə fərqlidir və onlar arasında paralel müqayisə doğru olmaz:
“Biz ümid edirik ki, Azərbaycanda azad və ədalətli seçki görəcəyik”, - diplomat vurğulayıb.
“Exit-poll”un nəticələrinə görə, mühafizəkarlar 650 yerdən 368-ni, leyboristlər 191, Şotlandiya Milli Partiyası 55, Liberal Demokrat Partiyası 13, Pleyd Kamri 3, Yaşıllar Partiyası 1, müstəqil namizədlər isə 19 yer tutacaqlar.16D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz