Bakı/13.06.20/Turan: Rəhim Qazıyevin dünən, iyunun 12-də xəsarət alması ilə bağlı başlanan cinayət işi üzrə keçmiş kürəkəni tərəfindən törədilməsi faktı üzrə istintaq araşdırmalarına başlanılıb.
Bunu Bakı Şəhər Baş Polis İdarəsinin (BŞBPİ) mətbuat xidmətinin rəisi Elşad Hacıyev bildirib.
Onun sözlərinə görə, keçmiş kürəkəni tərəfindən Qazıyevə əvvəllər də anoloji qaydada xəsarət yetirməsi ilə bağlı hazırda məhkəmə prosesi aparılır.
Hacıyev qeyd edib ki, məsələ ilə bağlı əlavə məlumat veriləcək.
Rəhim Qazıyev isə Turana bildirib ki, araşdırma ilə bağlı ona hələ ki, heç bir rəsmi məlumat verilməyib. "Xəbərim yoxdur. Keçmiş kürəkənimin istintaqa cəlb edilməsi ilə bağlı xəbəri indi sizdən eşidirəm. Mənə polisdə bildiriblər ki, araşdırma ilə bağlı məlumat veriləcək, amma hələ ki heç nə deməyiblər".
Qazıyev qeyd edib ki, şübhələndiyi şəxs yoxdur. "Fərziyyələrlə heç kəsi ittiham etmək olmaz. Hadisə yerində kameralar var. O kameralar vasitəsilə məni vuran şəxsi müəyyənləşdirmək olar". -0-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz