![Bundestaq deputatı Azərbaycanlı tələbələrin İPS proqramına yüksək marağı olduğunu qeyd edib](https://turan.az/resized/750/500/resize/media/2021/main/110200040308.jpg)
Bundestaq deputatı Azərbaycanlı tələbələrin İPS proqramına yüksək marağı olduğunu qeyd edib
Bakı/02.11.21/Turan: Azərbaycan Dillər Universitetində Almaniya Bundestaqının Beynəlxalq Parlament Təqaüd proqramı (İPS) ilə bağlı tələbələrə məlumat verilib.
Bu tədbirdə Almaniya Bundestaqının deputatı Karl-Yulius Kronenberq (Carl-Julius Cronenberg rəhbərlik etdiyi nümayəndə heyəti də iştirak edib.
ADU rekroru Kamal Abdulla bildirib ki, bu layihə tələbələr üçün böyük imkanlar açır. O, tələbələri layihədə aktiv iştirak etməyə çağırıb.
"Şadam ki, Azərbaycanda bu qədər tələbə bu proqramla maraqlanır", deyə deputat bildirib və əlavə edib ki, İPS proqramı xarici tələbələrə Almaniya parlamentində təcrübə keçməklə onunla tanış olmaq imkanı verir.
Kronenberq qeyd edib ki, Azərbaycana gəldikdən dərhal sonra bu ölkənin tolerantlığını və mədəni müxtəlifliyini hiss edib. Onun sözlərinə görə, Azərbaycan mədəni ənənələri qayğı ilə qoruyub saxlamağa nail olur.
Deputatın sözlərinə görə, son iki ildir ki, pandemiya ilə əlaqədar xidməti səfərlər mümkün olmayıb. İki ölkənin rəsmiləri arasında görüş və müzakirələr rəqəmsal formatda reallaşıb: "Azərbaycandakı mədəni müxtəlifliyi, tolerantlığı səfərimin ilk günüdə hiss elədim. Buradakı mədəni müxtəlifliyin qədim kökləri var. Azərbaycan qədim ipək yolunun üzərində yerləşdiyi üçün tacirlər ticarətlə yanaşı bura öz ölkələrinin mədəniyyətini də gətiriblər. Müsəlman Şərqində ilk demokratik respublika Azərbaycanda yaranıb. Qadınlara seçim hüququ verilib ki, bu, həmin dövrdə təkcə Şərqdə deyil həmçinin, Qərb ölkələrində də reallaşmamışdı".
Daha sonra deputat İPS proqramı barədə məlumat verib. "Şadam ki, çox sayda azərbaycanlı gənc bu proqrama maraq göstərir. Qeyd edim ki, hər il 120 gənc bu proqramda iştirak edir ki, bunlar da 50 müxtəlif ölkədən gəlir".
Tam olaraq Bundestaqın maliyyələşdirdiyi İPS proqramı çərçivəsində 44 ölkədən 120 təqaüdçü 2022-ci il martın 1-dən iyulun 31-dək Almaniyanın parlament sistemi ilə tanış ola biləcək. -16D-
-
- Maliyyə
- 2 Noyabr 2021 12:05
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz