• contact.az Contact
  • Bakı
  • Partly Cloudy9.60 C
  • Şənbə, 21 Dekabr 2024
    • flag_EN
    • flag_RU

Son yenilənmə

(3 saat əvvəl)
Cəmil Həsənlinin növbəti seçkiqabağı mitinqi
A- A A+
EN RU
Turan İnformasiya Agentliyi
Turan İnformasiya Agentliyi

Cəmil Həsənlinin növbəti seçkiqabağı mitinqi

Şənbə günü Bakının Yasamal rayonunda "Məhsul" idman kompleksinin stadionunda müxalifətin növbəti çoxminlik seçkiqabağı mitinqi keçirilib. Təşkilatçıların qiymətləndirmələrinə görə, ən az 15 min nəfər olan mitinq iştirakçılarına müxalifətin prezidentliyə namizədi Cəmil Həsənli müraciət edib.

 
O, öz çıxışını ölkənin əsas problemlərinə: Qarabağ probleminə, korrupsiyaya, sərvətlərin mənimsənilməsinə, vətəndaşların hüquqsuzluğuna, qanunun aliliyinə həsr edib.
 
20 il ərzində bu hakimiyyət işğal edilmiş ərazilərin 10 metrini belə azad etməyib və heç vaxt azad etməyəcək. Bu hakimiyyət başqa şeylə - şəxsi zənginləşmə və milli sərvətlərin mənimsənilərək, offşor hesablara yerləşdirilməsi ilə məşğuldur, deyə o bildirib.
 
Parlamentdə işlədiyim 10 il ərzində heç cürə neft haqqında qanun qəbul edilməsinə nail ola bilmədim, çünki bu, hakimiyyətə lazım deyil. Əksinə, onlar öz hərəkətlərinə nəzarət olmamasında maraqlıdır. 
 
"Qarabağı biz, azad edəcəyik, bütün Azərbaycan xalqı", deyə Həsənli qeyd edib. Hakim rejimə qarşı mübarizə bu seçkilərlə yekunlaşmır. 
 
O, polisi öz xalqına qarşı getməməyə və qanunsuz əmrləri yerinə yetirməyə son qoymağa çağırıb. "Günahsız insanların üzərinə narkotik ataraq, onları həbs etməyə son qoyun", deyə o qeyd edib.
 
Müəllimlərə müraciət edən Həsənli onları səsvermənin nəticələrinin saxtalaşdırılmasında iştirak etməməyə çağırıb. "Sizdən çoxunuz seçki komissiyalarının üzvləridir, dövlət cinayətlərinin iştirakçısına çevrilməyin, bunun məsuliyyəti haqqında düşünün. Bu hakimiyyət hətta Gülər Əhmədovanı belə müdafiə edə bilmədi, sıravi icraçılara nə olacaq?! Onlar bütün seçkiləri saxtalaşdırırlar və parlament yerlərinin satışı ilə məşğuldurlar və bu qanunsuz əməllərin arxasında İlham Əliyev özü durur", deyə Həsənli qeyd edib.
 
İnanclı insanlara üz tutan Həsənli real din azadlığını və hicab azadlığını təmin etməyi vəd edib. "Hər bir insan harada nə geyinəcəyinə özü qərar verəcək", deyə o bildirib. 
 
O, ölkədə qanunun aliliyini və korrupsiyaya batmış və əxlaqsız sistemin bir hissəsi olan məhkəmələrin müstəqilliyini təmin etmək zərurətini xüsusi vurğulayıb.
 
Müxalifətin və Milli Şuranın yerinə və roluna toxunan Həsənli Rüstəm İbrahimbəyovun müxalifətin və bütün cəmiyyətin birləşməsində xüsusi rolunu qeyd edib. "Bizim mübarizəmiz bununla yekunlaşmayacaq, biz, qələbəyə qədər birgə mübarizəni davam etdirəcəyik", deyə Həsənli bildirib.
 
Onun emosional çıxışı vaxtaşırı "İlham, çıx get! şüarları ilə bölünürdü. -06В-
Cəmil Həsənlinin növbəti seçkiqabağı mitinqi
Cəmil Həsənlinin növbəti seçkiqabağı mitinqi

Rəy yaz

Siyasət

Bizi sosial şəbəkələrdə izləyin

Xəbər lenti