Demokratik Qüvvələrin Milli Şurasından (DQMŞ) prezidentliyə namizəd Cəmil Həsənli oktyabrın 14-də Parisdə Fransa XİN, Senat və Milli Məclisinin nümayəndələri ilə görüşlər keçirib, bu barədə DQMŞ-dəki mənbə bildirib.
Görüşlər zamanı Azərbaycanda prezident seçkilərinin yekunları müzakirə olunub və Həsənli həmsöhbətlərinin diqqətini nəticələrin total şəkildə saxtalaşdırılmasına çəkib.
Oktyabrın 15-də Həsənli Brüsseldə Avropa Komissiyası və Avropa Parlamentinin yüksək vəzifəli nümayəndələri, habelə Aİ-nin Şərq Tərəfdaşlığı Departamentinin rəhbəri Dirk Sçubel ilə görüşlər keçirib.
Həsənli seçkilərin saxtalaşdırılmasına toxunaraq, İ.Əliyevin üçüncü müddət üçün prezident olmasının konstitusiyaya zidd olduğu haqqında fikir bildirib.
Həsənli həmçinin Azərbaycan və Aİ arasında noyabrda Vilnyusda imzalanacaq sənədlərə insan hüquqlarına hörmət və demokratiyanın inkişaf etdirilməsi öhdəlikləri haqqında bəndlər daxil edilməsi zərurətini qeyd edib.
O, həmçinin siyasi məhbuslar haqqında məsələ qaldırıb.
Oktyabrın 18-də o, Bakıya qayıdacaq. -06D-
Siyasət
-
Fransa prokurorluğunun və polisinin istintaq qrupu Vİdadi İsgəndərlinin qətli ilə bağlı araşdırmaları davam etdirir. Bu barədə mərhumun qardaşı Oqtay İsgəndərli bildirib.
-
Kral III Çarlz Azərbaycanda keçiriləcək COP29 iqlim konfransında iştirak etməyəcək. Bukinhem Sarayının otyabrın 9-da yaydığı məlumata görə, hazırda 75 yaşında olan kral noyabrın 11-də Bakıda keçiriləcək mərasimdə iştirak etməyəcək. Bu barədə USmagazine.com-un nəşrində deyilir.
-
İsrailin sabiq müdafiə naziri Aviqdor Liberman Ynet nəşrinə dünənki müsahibəsində İsrailin İran tərəfindən raket hücumuna cavabının necə olmalı olduğu haqqında fikrini bildirib.
-
Toplum TV-nin işi üzrə həbs edilmiş jurnalist Əli Zeynal oktyabrın 10-da Bakı Apellyasiya Məhkəməsinin binasında fiziki təzyiqə məruz qalıb, bu barədə onun vəkili Fariz Namazlı bildirib.
Rəy yaz