Cənub Qaz Dəhlizi genişləndirilməlidir - ABŞ səfiri

Bakı/16.02.22/Turan: ABŞ Avropanın enerji təhlükəsizliyinin təmin edilməsində Cənub Qaz Dəhlizinin rolunu yüksək qiymətləndirir. NATO baş katibi Stoltenberq də dünən prezident Əliyevə zəng etdiyi zaman bunu qeyd edib.

Bu barədə ABŞ-ın Azərbaycandakı səfiri Li Litsenberger çərşənbə günü keçirilən brifinqdə Turan-ın bu layihənin genişləndirilməsi mümkünlüyü haqqında sualına cavabda bildirib.

"Azərbaycanın rolu böyükdür, belə ki, Rusiya Ukrayna ətrafında sabitliyi pozur, Avropaya qaz tədarükünü azaldır. Buna görə qaz tədarükünün şaxələndirilməsi üzrə addımlar çox vacibdir. Cənub Qaz Dəhlizi qaz tədarükünü iki dəfə artırmaq potensialına malikdir, amma bu, investisiya və zaman tələb edir. Transxəzər Qaz Kəmərinə gəlincə, bu, Türkmənistan qazının böyük ehtiyatlarını "blokdan çıxarmaq" və Avropaya çatdırmaq üçün daha bir imkandır. Bunun üçün suveren ölkələrin qərarına və özəl şirkətlərin investisiyalarına ehtiyac var", deyə səfir bildirib.

İran qazına gəlincə, Azərbaycan, İran və Türkmənistan Cənub Qaz Dəhlizi çərçivəsində müəyyən qaz həcminin mübadiləsi haqqında razılıq əldə ediblər.

"Biz Avropaya qaz tədarükünün artırılması ilə bağlı istənilən varianta açığıq, çünki onlar hamısı Azərbaycandan keçir. Bu, Azərbaycan üçün də yaxşıdır, ABŞ üçün də yaxşıdır", deyə səfir qeyd edib.

Cənub Qaz Dəhlizi ilə İran qazının tədarükü Amerikanın İrana qarşı sanksiyalarına zidd deyil? Bu dəqiqləşdirici suala cavabda səfir bildirib ki, sanksiyalar bu məsələyə şamil edilmir. -02B-