![Ceyhun Bayramov.](https://turan.az/resized/750/500/resize/media/2021/main/101400039524.jpg)
Ceyhun Bayramov.
Ceyhun Bayramov: “Azərbaycan Ermənistanla münasibətləri normallaşdırmağa hazırdır”
Bakı/14.10.21/Turan: Azərbaycan Xarici İşlər Nazirliyinin rəhbəri Ceyhun Bayramov oktyabrın 14-də Minskdə Müstəqil Dövlətlər Birliyi ölkələri Xarici İşlər Nazirləri Şurasının toplantısında çıxış edib.
O bildirib ki, Azərbaycanın Müstəqil Dövlətlər Birliyi çərçivəsində əməkdaşlığa, habelə Müstəqil Dövlətlər Birliyinin üzvü olan bütün ölkələrlə ikitərəfli münasibətlərin daha da genişləndirilməsinə və dərinləşdirilməsinə böyük əhəmiyyət verir.
Bayramov öz çıxışında qeyd edib ki, 44 günlük Vətən Müharibəsi nəticəsində Azərbaycan ərazilərinin bir hissəsinin 30 ilə yaxın işğalına son qoyulub və ölkəmizin bütövlüyü təmin edilib.
Bununla yanaşı, o, mina təhlükəsinin davam etdiyini deyib. Azərbaycan sülhyaratma səylərinə, o cümlədən Türkiyə-Rusiya Monitorinq Mərkəzinin fəaliyyətinə böyük əhəmiyyət verir.
O, həmçinin Azərbaycan ərazilərinin Ermənistan tərəfindən işğalı zamanı tarixi, dini və mədəni irsin məhv edilməsi barədə toplantı iştirakçılarına məlumat verib.
Bununla yanaşı, Bayramov qeyd edib ki, münaqişə keçmişdə qalıb və indi əsas məqsəd azad edilmiş ərazilərin bərpası və məcburi köçkünlərin öz doğma torpaqlarına qayıtmasıdır.
Azərbaycan beynəlxalq hüquqa, suverenliyə, ərazi bütövlüyünə və sərhədlərin pozulmazlığına hörmət əsasında Ermənistanla münasibətləri normallaşdırmağa hazırdır. Bakı həmin prinsiplərə uyğun olaraq Ermənistanla sərhədlərin delimitasiyası və demarkasiyası prosesinin başlamasına çağırıb.
Nazir xüsusilə qeyd edib ki, Azərbaycan 10 noyabr 2020-ci il və 11 yanvar 2021-ci il tarixli üçtərəfli bəyanatlardan irəli gələn öhdəliklərin, o cümlədən regionda bütün kommunikasiyaların açılması haqda razılaşmaların yerinə yetirilməsinə sadiqdir. —06D-
-
- Cəmiyyət
- 14 Oktyabr 2021 13:24
-
- İqtisadiyyat
- 14 Oktyabr 2021 13:49
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz