Açiq mənbələrdən foto.
Bakı/03.04.21/Turan: Azərbaycanla İtaliya arasında əməkdaşlığın yüksək səviyyəsi var və iki dövlət liderlərinin imzaladıqları strateji tərəfdaşlıq haqqında bəyannamə buna parlaq sübutdur. Bu barədə bu gün Azərbaycanın xarici işlər naziri Ceyhun Bayramov İtaliyanın Bakıdakı fövqəladə və səlahiyyətli səfiri Auqusto Massarini diplomatik missiyasnın başa çatması münasibətilə qəbul edərkən bildirib.
Öz növbəsində Massari qeyd edib ki, iki ölkənin göstərdiyi həmrəylik Azərbaycanla İtaliya arasında münasibətlərin yüksək inkişaf səviyyəsinə tam uyğundur.
Tərəflər iki dövlət arasında əməkdaşlığın bütün istiqamətlər üzrə genişləndirilməsinin perspektivlərini vurğulayıblar və bunun üçün qarşılıqlı səfərlərin vacibliyini qeyd ediblər.
Həmçinin qarşılıqlı maraq doğuran digər məsələlər ətrafında fikir mübadiləsi aparılıb.
Qeyd edək ki, ötən ilin payızında 44 günlük Qarabağ müharibəsi dövründə İtaliya Azərbaycanın ərazi bütövlüyünün bərpası istiqamətində səylərini dəstəkləyib.
Hərbi əməliyyatlar başa çatdıqdan sonra İtaliya şirkətləri azad edilmiş ərazilərdə infrastrukturun bərpası layihələrinə qoşulublar.—06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz