Ceyhun Bayramov and Sergei Lavrov.
Ceyhun Bayramov: “Ermənistan konstruktivlik göstərmir”
Bakı/11.05.21/Turan: Erməni tərəfi regionda vəziyyətin normallaşdırılması prosesini ləngidir və konstruktivlik göstərmir. Bu barədə Azərbaycanın xarici işlər naziri Ceyhun Bayramov mayın 11-də Bakıda Rusiyanın xarici işlər naziri Sergey Lavrovla birgə brifinq zamanı bildirib.
O, belə faktlar arasında erməni tərəfinin işğaldan azad edilmiş ərazilərdə minalanmış yerlərin xəritələrini təqdim etməkdən imtina etdiyini göstərib.
O həmçinin ötən ilin dekabrında Qarabağda tutulmuş təxribatçıların ermənilər tərəfindən hərbi əsirlər kimi təqdim olunması cəhdlərini də rədd edib.
Bu qrupun üzvləri ilə beynəlxalq humanitar hüquq normalarına əməl edilməklə istintaq tədbirləri keçirilir.
"Qırmızı Xaç nümayəndələri saxlanılanlara baş çəkir, onların ailə üzvləri ilə əlaqələri var", - Bayramov deyib.
Öz növbəsində, Rusiyanın xarici işlər naziri Lavrov deyib ki, regionda vəziyyətin gələcək normallaşdırılması üçün 9 noyabr tarixli üçtərəfli sazişin bütün bəndlərnə əməl olunmalıdır. Bu razılaşmalar vəziyyətin tənzimlənməsi üçün lazım olan hər şeyi əhatə edir və regionda kommunikasiyaların açılmasına yönəlib.
Lavrov deyib ki, yaxın gələcəkdə bu işin nəticələrinin olacağına ümid etmək üçün bütün əsaslar var.
Öz növbəsində Bayramov qeyd edib ki, kommunikasiyaların açılması istiqamətində işlər intensiv gedir və üçtərəfli işçi qrupunun altı iclası keçirilib. Bəzi məsələlər üzrə digər məsələlərlə müqayisədə böyük irəliləyiş var", - Bayramov bildirib. O, gecikmənin səbəbi kimi Ermənistandakı daxili siyasi vəziyyəti göstərib.
Hər iki nazir nəqliyyat layihələrinin reallaşması müddətini konkretləşdirməyib. Lavrov qeyd edib ki, kommunikasiyaların açılması məsələsini bütün əlaqədar tərəflərin - Azərbaycan, Ermənistan, Rusiya, Türkiyə, İran və qonşu ölkələrin maraqları nəzərə alınmaqla həll etmək lazımdır.
Hər iki nazir ümumi ifadələrlə kifayətlənərək humanitar məsələlərin dərinliyinə varmayıblar. Bütün humanitar məsələlər maksimum operativ şəkildə həll edilməlidir. Belə ki, Lavrov deyib ki, ölənlərin cəsədlərinin qaytarılması, itkin düşənlər və minalanmış yerlərin xəritələrilə bağlı məsələlər Yerevanda müzakirə edilib. "İlkin addımlar atılıb və ümid edirik ki, məsələ tezliklə həll olunacaq", – o deyib. -02D-
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz