Jeyhun Bayramov and Ali Shamkhani
Bakı/10.12.20/Turan: Çərşənbə günü günün ikinci yarısında Azərbaycan Respublikasının xarici işlər naziri Ceyhun Bayramov İran Ali Milli Təhlükəsizlik Şurasının katibi, admiral Əli Şamxani ilə görüşüb. Görüş zamanı ikitərəfli məsələlər, son regional və beynəlxalq hadisələr müzakirə olunub, İRNA məlumat yayıb.
Görüş zamanı Ali Milli Təhlükəsizlik Şurasının katibi Azərbaycan Respublikası ilə Ermənistan Respublikası arasında sülhün bərqərar olmasından və işğal edilmiş ərazilərin aid olduğu əraziyə qaytarılmasından məmnun olduğunu bildirib, Azərbaycan hökumətinə və xalqına uğurlar arzulayıb.
Ə. Şamxani deyib ki, Tehran-Bakı münasibətləri maksimum səviyyəyə çatdırılmalıdır. O əlavə edib ki, birgə layihələrin başa çatdırılması və müxtəlif sahələrdə yeni əməkdaşlıqlara başlanması daha ciddi səylər tələb edir.
Ali Milli Təhlükəsizlik Şurasının katibi İranın öz təcrübəsi, texniki və mühəndislik imkanlarını nəzərə alaraq müharibə nəticəsində dağılmış və parçalanmış ərazilərin bərpasında iştirakda maraqlı olduğunu bildirib.
O, Amerika terror üçbucağının, sionistlərin və İŞİD-in dünyanın istənilən yerində, xüsusilə də Qərbi Asiya regionunda iştirakını təhlükəli və kritik adlandırıb, onların regiondan getməsi sabitliyin və əmin-amanlığın səbəbidir. Mehriban qonşuluq münasibətləri və birgə səylərlə yeni təhlükəli və narahatlıq doğuran mərkəzlərin yaradılmasının qarşısı alınmalıdır.
O, iki ölkə vətəndaşlarında bir-birinə qarşı bədbinlik yaratmaq məqsədilə şübhəli KİV-lərin yaratdığı atmosferə diqqəti çəkib: "Belə qeyri-konstruktiv və fikir ayrılıqlarına səbəb olan hərəkətlərin qarşısını almaq lazımdır".
Azərbaycanın xarici işlər naziri C. Bayramov Dağlıq Qarabağ böhranı qarşısında apardığı prinsipial siyasətə görə İran İslam Respublikasına minnətdarlığını bildirib, işğala və böhrana son qoyulmasını dəstəkləyən müdrik mövqeyinə görə Ayətullah Xamneini tərifləyib.
O, iki ölkə liderlərinin Tehranla Bakı arasında münasibətləri və əməkdaşlığı inkişaf etdirmək, möhkəmləndirmək əzminə istinad edərək Azərbaycan Respublikasının müxtəlif sahələrdə münasibətlərin səviyyəsini yüksəltməyə hazır olduğunu bildirib.
İRNA xəbər verir ki, Azərbaycan Respublikasının xarici işlər naziri İran İslam Respublikasının nüvə alimi Şahid Fəxrizadənin əzablı ölümü ilə əlaqədar başsağlığı verərək bu terror aktını qətiyyətlə pisləyib, İRNA bildirib.—0—
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz