Mohamed Bagher Ghalibaf
Bakı/10.12.20 / Turan: Çərşənbə günü İran parlamentinin spikeri Məhəmməd Baqer Qalibaf Azərbaycanın xarici işlər naziri Ceyhun Bayramovla görüşündə bildirib ki, əməkdaşlıq və dəmir yolu xətlərinin qoşulması prioritet ola bilər, İRNA məlumat yayıb.
“İkitərəfli münasibətlərin inkişafı üçün müvafiq tədbirlər görülür. Bununla əlaqədar olaraq sərhədyanı əməkdaşlıq və dəmir yolu xətlərinin qoşulması prioritet ola bilər", - Qalibaf deyib.
İran parlamentinin spikeri İran və Azərbaycanın dərin mədəni və dini əlaqələrə malik olduğunu qeyd edib.
Onun sözlərinə görə, münasibətlərin hərtərəfli inkişafı üçün İranla Azərbaycanda mövcud olan müxtəlif potensiallardan və imkanlardan istifadə olunmalıdır.
O həmçinin əlavə edib ki, İran Qarabağın və Azərbaycanın ətraf ərazilərinin bərpasında iştirak etməyə hazırdır. "İran müharibədən ziyan dəymiş ərazilərin bərpası təcrübəsinə malik olduğundan Qarabağın və ətraf ərazilərin bərpasında iştirak etməyə hazırdır", - Qalibaf vurğulayıb.—0--
Siyasət
-
Yanvarın 24-də Bakı Apellyasiya Məhkəməsində jurnalist Fərid İsmayılovun həbsindən şikayətə baxılıb.
-
2024-cü ildə Azərbaycanda insan hüquqları ilə bağlı vəziyyət jurnalistlərə, fəallara və dindarlara qarşı repressiyaların artması ilə xarakterizə olunub. Bu barədə "Müdafiə xətti" qeyri-hökumət təşkilatının illik hesabatında deyilir. Sənədi yanvarın 24-də bu qurumun üzvü, hüquq müdafiəçisi Zəfər Əhmədov təqdim edib.
-
Yanvarın 24-də Səbail Rayon Məhkəməsində “Kanal-13” İnternet- nəşrin rəhbəri Əziz Orucovun işi üzrə proses davam edib.
-
Yanvarın 24-də Azərbaycan müdafiə nazirinin müavini, Quru Qoşunları komandanı general-polkovnik Hikmət Mirzəyev Türkiyəyə rəsmi səfərə gedib.
Rəy yaz