Bu gün DQMŞ-nin sessiyasından dərhal sonra Cəmil Həsənlinin rəsmi olaraq prezidentliyə namizədliyinin irəli sürülməsi və onun sənədlərinin MSK-ya təqdim edilməsi üzrə təşəbbüs qrupunun iclası başlayıb.
Səsvermədən əvvəl Həsənli daha əvvəl Rüstəm İbrahimbəyovun imzaladığı Öhdəliklər haqqında Memorandumu imzalayıb. Xüsusən, o, prezident seçiləcəyi təqdirdə vəzifədə maksimum 2 il qalmaq öhdəliyi götürüb.
Bu müddət ərzində DQMŞ-nin kadr bazasında milli etimad keçid hökuməti formalaşdırılmalı, bütün KİV-lər senzuradan azad edilməli, özəl televiziya və radio şirkətlərinin yaradılması üçün maneələr aradan qaldırılmalı, azad mühakimə üsulu yaradılmalı, parlament buraxılmalı və yeni parlament seçilməli, konstitusiya islahatları üzrə referendum keçirilməli və s. addımlar atılmalıdır.
Konstitusiya islahatı çərçivəsində hakimiyyət qolları arasında balans əldə olunmalı, dövlət idarəetmə sistemində islahat həyata keçirilməli, parlament seçkilərinin nəticələrinə görə qarışıq proporsional-majoritar sistem üzrə hökumət formalaşdırılmalı, yerli özünüidarə orqanlarının səlahiyyətləri genişləndirilməli, şəhər bələdiyyə şuraları və şəhər icra hakimiyyəti başçıları seçkiləri tətbiq edilməlidir və s.
Həsənli həmçinin İbrahimbəyovun namizədliyi təsdiq edildiyi və qeydiyyata alındığı təqdirdə öz namizədliyini geri götürmək öhdəliyi götürüb.
Həsənli dəstəyə görə təşəkkür edərək, DQMŞ üzvlərini Azərbaycanda avtoritar-kriminal rejimin dinc yolla dəyişdirilməsi üçün əlindən gələni edəcəyinə inandırıb.
61 yaşlı Cəmil Həsənli Bakı Dövlət Universitetinin Amerika və Avropa ölkələri kafedrasının professorudur. 2000-ci və 2005-ci illərdə ölkə parlamentinin deputatı seçilib. 2009-cu ildə Azərbaycan Ziyalılar Forumunun təsisçilərindən biri olub. -03C06-
Siyasət
-
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
-
2-3 oktyabr tarixlərində Rusiyanın Xarici Kəşfiyyat Xidmətinin direktoru Sergey Narışkin Bakıya rəsmi səfərə gəlib. Səfər zamanı Azərbaycan prezidenti İlham Əliyev və Azərbaycanın Xarici Kəşfiyyat Xidmətinin və Dövlət Təhlükəsizliyi Xidmətinin rəhbərliyi ilə görüşlər keçirilib.
-
Belarus və Azərbaycan münasibətlərini geosiyasi ittifaqlar deyil, qarşılıqlı mənfəət əsasında möhkəmləndirir, bu barədə oktyabrın 3-də Belarus prezidenti Aleksandr Lukaşenko Azərbaycan baş naziri Əli Əsədovla görüşündə bildirib. Minskdə aparılan danışıqlar xüsusən dəyişən regional dinamika fonunda iki keçmiş sovet respublikası arasında tərəfdaşlığın dərinliyini üzə çıxarıb.
-
Varşavada ATƏT DTİHB-nin İnsan Ölçülməsi Konfransı ərəfəsində Gürcüstanda Azərbaycanın Azel TV saytının təsisçisi Əfqan Sadıqovun həbs edilməsi məsələsi qaldırılıb.
Rəy yaz