![Corc Soros: «Qərb Əliyevi dəstəkləməklə böyük səhvə yol verir»](https://turan.az/resized/media/2016/main/063000160671-750-500-resize.webp)
Corc Soros: «Qərb Əliyevi dəstəkləməklə böyük səhvə yol verir»
Amerikalı milyarder və filantrop Corc Soros Qərb ölkələrini Azərbaycan hökumətilə əməkdaşlığa görə tənqid edib. Ötən həftə Londonda konfransda çıxışı zamanı o deyib: “Təəssüf ki, Qərbin olduqca sakit yanaşdığı ölkələrin sırasında Azərbaycan da var. Burada xoşagəlməz diktator rejimi hökm sürür. Mən bir neçə dəfə bu ölkənin prezidenti ilə mübahisə etməli olmuşam. O hər dəfə özümü elə aparır ki, sanki Azərbaycanda repressiyalara görə məsuliyyət daşımır. Ancaq mənimlə söhbətlərində bu və ya digər siyasi məhbusun həbsxanada hansı şəraitdə və hansı ittihamlarla oturması barədə dərin bilik nümayiş etdirir və s. Lakin bütün bunlar riyakarlıqdır. O, bir çox şeyə görə cavabdehdir və repressiyalardan istifadə edir. O, yeni potensial neft yataqları nümayiş etdirməklə Qərbin könlünü almaq istəyir. Düşünürəm ki, Qərb onu dəstəkləməklə böyük səhvə yol verir”, - Soros bildirib.
Digər postsovet ölkələrindən danışan Soros Qırğızıstana toxunub və qeyd edib ki, bu ölkənin kifayət qədər yüksək demokratik inkişafı dərəsəci olub, məhz ona görə ki, o, ən yoxsul ölkələrdən biri olub”.
Onun sözlərinə görə, qəribə də olsa Rusiyadan ən çox aralanan Qazaxıstan olub. “Nazarbayev başqalarına nisbətən həmişə daha çox maarifçi olub. Baxmayaraq ki, uzun müddət hakimiyyətdədir və çoxlu səhvlərə yol verib, ölkədə hətta xaricdə təhsil alan ziyalı orta sinif formalaşıb. Hətta dövlət universitetində regionun digər universitetlərində olduğundan yüksək standartlar var. Orada da müəllimlərin çoxu xaricdəndir”,- o qeyd edib.
Sorosun fikrincə, digər ölkələr Rusiyadan daha çox asılıdır, bundan əlavə, onlar zəifdir. “Buna misal olaraq biz Tacikistana nəzər sala bilərik”, - o vurğulayıb.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz