DADP Mehriban Əliyevanın prezidentliyə namizədliyi üzərində işrarla durur

Demokratik Azərbaycan Dünyası Partiyası (DADP) cümə günü oz ofisində mətbuat konfransı keçirib. 

Partiya sədri Əlisahib Hüseynov bildirib ki,  mətbuat konfransının əsas mövzusu deputat Mehriban Əliyevanın prezidentliyə namizədliyinin irəli sülüməsi və partiya ətrafındakı hadisələrdir.

Partiyanın icra katibi Sevda Xurşudova M.Əliyevanın namizədlyinin irəli sürülməsinin təsadüf olmadığını deyib. Partiyanın 2006-cı ildən aktiv fəaliyyət fazasına keçdiyi vurğulanıb. “Həmin vaxtdan bu partiyaya gələn hər üzv Mehirban xanımın adı ilə quruma üzv olub, bu partiya qeyri-rəsmi  “Mehriban xanımın partiyası” adlandırılır”, - S.Xurşudova bildirib. M.Əliyevanın namizədliyi indiki rəsmi kursu davam etdirməyə “layiqli namizəd” kimi hallandırılıb. Bu namizədliyi 130 mindən çox üzvü olan DADP-nin və daha iki partiyanın dəstəklədiyi deyilib, amma bu partiyaların adları mətbuata açıqlanmayıb. 

M.Əliyevanın namizədliyinin yerlərdə dəstəklənməsi üçün təşəbbüs qrupları yaradılıb. Gənclərdən ibarət Demokratiya Uğrunda Alyans namizədin gənclər arasında dəstəklənməsi yönündə fəaliyyətə başlayıb. Partiyaya aidiyyatı olmayan xeyli vətəndaşlın M.Əliyevanın namizədliyini dəstəkləməsi üçün partiyaya müraciətlər edilir. İnternet vasitəsilə aparılan monitorinqlər M.Əliyevanın namizədliyini dəstəkləyənlərin dinamikasının yüksəkdə olmasını aşkar edib. Bu ayın sonunda partiyanın qurultayının vaxtı dəqiqləşdiriləcək.  M.Əliyevanın namizədliyinin elan olunmasından sonra partiyaya təzyiqlər olmadığı, amma iqtidar düşərgəsindən olan bəzi şəxslərin mətbuatda qeyri-adekvat reaksiyaları ilə qarşılaşdıqlarına diqqət çəkilib. 

Mətbuat konfransının Beynəlxalq Mətbuat Mərkəzində keçirilməsi nəzərdə tutulsa da tədbir partiya ofisində keçirilib. Buna aydınlıq gətirən partiya sədri deyib ki, iyulun 4-də məlum olub ki, BMM əməkdaşları konfransın keçiriləcəyi vaxta “səhvən” əlavə sifariş qəbul ediblər. 

“Bu,  səhv və ya anlaşılmazlıq ola da bilər, olmaya da. Amma biz bunu bilmirik”, - S.Xurşudova vurğulayıb. 

Partiyanın iki yerə parçalanması haqda düşüncələr rədd edilib. Belə ki, partiya funksioneri Elşad Əliyev bu ilin martında keçirilən qurultay səlahiyyətli konfransda özünü partiyanın sədri sayan Fatma Əliyevanın sədrlik və partiyadan kənarlaşdırıldığını söyləyib. Bununla yanaşı partiya rəhbərinin  səlahiyyətlərini mənimsəmək cəhdinə görə ölkə prokurorluğuna şikayət edilib. Həmin məsələ ölkə prokurorluğu səviyyəsində araşdırılır. Həm F.Əliyevanın, həm də özünün PA-ya çağırılmasına toxunan Ə.Hüseynov bunun M.Əliyevanın namizədliyi ilə hər hansı əlaqəsi olmadığını, partiyaya aid sənədlərə baxışla bağlı olduğunu bildirib. -05C-