Açiq mənbələrdən foto.
Bakı/08.07.20/Turan: Çərşənbə axşamı Kullar qəsəbəsində çadır düşərgəsində Vətənə qayıtmağı gözləyən daha 250 vətəndaş Dağıstandan Azərbaycana gətirilib.
Azərbaycan vətəndaşları avtobuslarla “Samur” buraxılış məntəqəsindən keçirilərək gətirilib və Qusar rayonunda FHN-in karantin məntəqəsinə yerləşdirilib.
KİV-lərin məlumatına görə, karantin məntəqəsində çadırlarda eyni zamanda 1200 nəfərin yerləşdirilməsi üçün şərait yaradılıb.
Karantində saxlanılan şəxslər qida, gigiyena vasitələri, yataq dəyişəyi ilə təmin ediliblər. Çadırlarda ventilyatorlar quraşdırılıb.
Dağıstanın Dərbənd rayonunun başçısı səlahiyyətlərini icra edən Fuad Şıxıyevin sözlərinə görə, 250 nəfər getdikdən sonra Kullar kəndi yaxınlığındakı çadır düşərgəsində hələ 500-dən çox Azərbaycan vətəndaşı qalıb. “Onların qaytarılması üzrə iş davam etdirilir, yaxın gələcəkdə daha bir qrupun göndərilməsi gözlənilir”, deyə TASS agentliyi Şıxıyevdən sitat gətirir.
Qeyd edək ki, vətəndaşlar Azərbaycana həftədə bir gün, çərşənbə axşamı günləri göndərilir. -06D-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz