Dağlıq Qarabağ Muxtar Vilayətinin konturları Rusiya Müdafiə Nazirliyinin xəritəsindən yığışdırılıb
Bakı/27.09.21/Turan: Sentyabrın 22-dən Rusiya Müdafiə Nazirliyinin rəsmi saytında yerləşdirilmiş və Rusiya sülhməramlılarının Qarabağda yerləşmə zonasını göstərən Azərbaycan xəritəsində 26 noyabr 1991-ci ildə ləğv edilmiş Azərbaycanın tərkibindəki Dağlıq Qarabağ Muxtar Vilayətinin konturu yığışdırılıb.
Sonuncu dəfə keçmiş Dağlıq Qarabağ Muxtar Vilayətinin konturunu sülhməramlıların yerləşməsinə dair 20 sentyabr 2021-ci il tarixli xəritədə görmək mümkün idi.
2021-ci il iyulun 10-da prezident İlham Əliyev bəyan edib: "Dağlıq Qarabağ region üçün düzgün ad deyil. Belə ərazi vahidi yoxdur və bu adı işlətmək olmaz". Dövlət başçısı beynəlxalq təşkilatları və ölkələri "Dağlıq Qarabağ" terminini tətbiq etməməyə çağırıb.
Qeyd edək ki, ötən gün Rusiya sülhməramlılarının göstərişi ilə Azərbaycanın Xocavənd rayonunda Amarasdakı alban məbədinin damından qanunsuz rejimin bayrağı götürülüb.—0—
Siyasət
-
Cümə axşamı prezident İlham Əliyev COP29 iqlim konfransında iştirak etmək üçün Bakıya gələn Avropa Şurasının Baş katibi Alen Berseni qəbul edib.
-
Noyabrın 14-də Avropa İnsan Hüquqları Məhkəməsi (AİHM) Azərbaycanla bağlı qərarları açıqlayıb. Qərarlara görə, Azərbaycan höküməti təqribən 40 min avro cərimə ödəməlidir.
-
Noyabrın 14-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda bir qrup fəal Rusiyanın Ukraynaya qarşı müharibəsinə etiraz olaraq aksiya keçirib.
-
Ermənistan-Azərbaycan münaqişəsində vasitəçi rolunu oynamağa çalışan ABŞ və Aİ heç nə fikirləşə bilməyib, yalnız Moskvanın ideyalarını götürərək, sülh prosesini özlərinə "uyğunlaşdırmaq" üçün onların mahiyyətini təhrif edib. Lakin onların əsl məqsədi regionu "nəzarətləri altına" götürmək, oraya daxil olub, Rusiyanı, həm də İran və Türkiyəni sıxışdırıb çıxarmaq idi.
Rəy yaz