Dağlıq Qarabağda hələ də qalan ermənilər ümidsizlik, qorxu və çarəsizlik içindədirlər

Bakı/16.10.20/Turan: Dağlıq Qarabağda hələ də qalan əhali arasında qorxu, ümidsizlik və çarəsizlik hökm sürür. Artilleriya zərbələri azalsa da, sakinlər zirzəmiləri – bomba sığınacaqlarını tərk etməyə qorxurlar. Müxtəlif KİV-lərin, o cümlədən “Kavkazskiy uzel”in Xankəndi və Xocavənddən yaydığı fotoşəkillər və videoreportajlar bunu göstərir.

Bu şəhərlərdə elektrik və qaz təchizatında fasilələr var və sakinlər həyətlərdə yemək bişirmək məcburiyyətindədirlər. Bomba sığınacaqlarında sıxlıq var.

https://www.kavkaz-uzel.eu/photo_albums/2721#218998

“Kavkazskiy uzel”in başqa bir materialında sakinlərdən biri təsdiq edib ki, Xankəndində (Stepanakert) gecə sakit keçib, amma insanlar sığınacaqlarda qalmağa üstünlük verirlər. Səhər insanlar yalnız pulsuz paylanan çörək və digər məhsulları almaq üçün sığınacaqdan çıxırdılar. “Hamı sığınacağa qayıdıb, çünki hesab edirik ki, küçədə və ya evlərimizdə olmaq hələ təhlükəsiz deyil”, deyə Emma Saakyan bildirib.

Mənbə: https://www.kavkaz-uzel.eu/articles/355360/

Erməni diasporundakı mənbələr də bildirirlər ki, Ermənistanda hərbi komissarlıq və polis nümayəndələri gecələr evlərə gəlir və çağırış yaşında olan kişiləri məcburi qaydada orduya aparır. -06D-