Vəfadar Əliyev
Daha bir müxalifətçi 30 sutka həbs edilib (yenilənib)
Bakı/09.04.20/Turan: Aprelin 9-da Binəqədi Rayon Məhkəməsi Demokratiya və Rifah Hərəkatının fəalı Vəfadar Əliyevi 30 sutka həbs cəzasına məhkum edib.
Məhkəmə onu İnzibati Xətalar Məcəlləsinin 535.1-ci maddəsi (polisə tabe olmamaq) ilə təqsirli bilib. Bu barədə Turan-a fəalın vəkili Fəxrəddin Mehdiyev bildirib.
V.Əliyev özünü təqsirli bilməyib. Müdafiə tərəfi apellyasiya verəcək.
V.Əliyev aprelin 8-də saxlanılıb. -0
* * *
2020 Aprel 09 (Cümə axşamı) 14:59:53
ADR Hərəkatının fəalı saxlanılıb
Bakı/08.04.20/Turan: Bu gün, aprelin 8-də Bakının Binəqədi rayon Polis İdarəsinin 7-ci Polis Bölməsinin əməkdaşları Azərbaycan Demokratiya və Rifah (ADR) Hərəkatının Binəqədi rayon təşkilatının İdarə Heyətinin üzvü Vəfadar Əliyevi saxlayıb. Onu heç bir izahat vermədən evindən götürüb bölməyə aparıblar.
Bu barədə Amerikanın Səsinə ADR Hərəkatının rəhbəri Qubad İbadoğlu bildirib.
“Bütün dünya koronavirusla mübarizə aparır, Azərbaycan hakimiyyəti də fürsətçilik edib, müstəqil və müxaif fikir sahiblərini cəzalandırmaqla məşğuldur. Buna son qoyulmalıdır, Vəfadar bəy, Şakir bəy, Tofiq bəy, İlkin bəy və digər fəallar qeyd-şərtsiz azad olunmalıdır,” o qeyd edib.
İbadoğlunun sözlərinə görə, Vəfadar Əliyev aprelin 9-da məhkəmə qarşısına çıxarılacaq.
Rəsmi qurumlar ADR Hərəkatının fəalının saxlanılması barədə hələ açıqlama verməyib.
Xatırladaq ki, karantin rejimi dövründə ADR Hərəkatının daha bir fəalı Şakir Məmmədli 15 sutka inzibati həbsə məhkum edilib, 2 fəalı cərimələnib, 3 fəalına isə xəbərdarlıq edilib.--0--
-
- Siyasət
- 9 Aprel 2020 14:56
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz