Dünya Azərbaycanlıları Konqresinin (DAK) həmsədrləri, millət vəkili Sabir Rüstəmxanlı və Firudin Pərvizniya cümə günü ABŞ Dövlət Departamentində görüş keçiriblər. Bu xəbər Turan-a DAK mətbuat xidmətindən verilib.
ABŞ-ın Azərbaycan səfirliyinin dəstəyi ilə reallaşan səfər çərçivəsində aprelin 26-da DAK həmsədrləri ABŞ Dövlət Departamentində görüş keçiriblər. Görüşdə Güney-Quzey Azərbaycanın bəzi mühüm problemləri ərtafında fikir mübadiləsi olub.
Ermənistanın işğalçılıq müharibəsinin nəticələrinin aradan qaldırılması üçün səlahiyyət verilən Minsk Qrupu həmsədri kimi ABŞ-ın və Rusiyanın bu yöndə fəaliyyətinə toxunulub. Rusiyanın bir əyalətinə dönən Ermənistana heç bir məntiqə sığmayan, milyardlarla təmənnasız hərbi bəxşişlərə və s. yardımlara diqqət çəkilib.
Deputat S.Rüstəmxanlı ABŞ-Azərbaycan münasibətlərinin ədalət prinsipləri üzərində inkişafının bölgənin gələcəyi üçün son dərəcə əhəmiyyətli olduğunu vurğulayıb.
Görüşdə İran rejiminin anti-Azərbaycan siyasətinə, islam ölkələrində zəruri dəyişikliklərə, “Orta Şərq layihəsi”ndə Güney Azərbaycanın yeri məsələsinə DAK-ın münasibəti də nəzərə çatdırılıb.
DAK həmsədrlərinin ABŞ-a səfəri aprelin 23-dən başlayıb və mayın 2-dək davam edəcək. -05D-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz