• contact.az Contact
  • Bakı
  • Overcast25.20 C
  • Şənbə, 27 İyul 2024
    • flag_EN
    • flag_RU

Son yenilənmə

(4 saat əvvəl)
  • Ana səhifə
  • Siyasət
  • Daşqından zərər çəkənlər FHN rəhbəri ilə görüşməyə can atırlar
Daşqından zərər çəkənlər FHN rəhbəri ilə görüşməyə can atırlar
A- A A+
EN RU
Turan İnformasiya Agentliyi
Turan İnformasiya Agentliyi

Daşqından zərər çəkənlər FHN rəhbəri ilə görüşməyə can atırlar

2010-cu il Kür daşqınından zərər çəkmiş bir qrup vətəndaş fövqəladə hallar naziri Kəmaləddin Heydərova görüşmək xahişi ilə müraciət edib. Nazirə FHN-lə Şirvan İnzibati-İqtisad Məhkəməsində məhkəmə çəkişməsi yaşayan 116 vətəndaş müraciət edib.

 
Daşqından zərər çəkmiş məktub müəllifləri qeyd edirlər ki, dəfələrlə hüquqlarının pozulması ilə bağlı FHN və müvafiq dövlət orqanlarına müraciət ediblər, lakin anlayışla qarşılanmayıblar.
 
Məktubda qeyd edilir ki, daşqının nəticələrinin aradan qaldırılması üçün böyük məbləğlər ayrılmasına baxmayaraq, onlara lazımi diqqət yetirilməyib. “Evlərimiz tikilmir, bərpa olunmur, kompensasiyalar verilmir”, deyə şikayətçilər yazır. İki ildir davam edən məhkəmə proseslər məhkəmələr tərəfindən süni şəkildə uzadılır, son vaxtlar isə iddiaçıların iddialarını təmin etməkdən imtina edirlər.
 
Heydərov son vaxtlar Sumqayıtda, Lənkənarda və ölkənin bir sıra bölgələrində vətəndaşlarla görüşlər keçirib. Bununla əlaqədar olaraq, daşqından zərər çəkənlər qeyd edirlər ki, nazirin onlarla görüşməsi də məqsədəuyğun olardı, belə ki, daşqının nəticələrinin aradan qaldırılmasına görə FHN məsuliyyət daşıyır.
 
Xatırladaq ki, 2010-cu ilin yazında Araz və Kür çaylarında daşqın nəticəsində 100 min hektardan çox torpaq sahəsi və 20 mindən çox ev su altında qalıb. Daşqının nəticələrinin aradan qaldırılması üçün 460 mln. manat ayrılıb. İşlərə FHN rəhbərlik edib. Əhaliyə kömək üçün yaradılmış ictimai birlik – “Kür” vətəndaş cəmiyyəti qərargahı yüksək dərəcədə korrupsiya, vəsaitlərin mənimsənilməsi, məmurların sui-istifadəsi faktlarını üzə çıxarıb. Sui-istifadə faktları haqqında bütün yüksək instansiyalara müraciətlərə baxmayaraq, heç bir tədbir görülməyib.
   
200 ailə FHN-i, “Meliorasiya və su təsərrufatı” ASC-ni, habelə rayon hakimiyyətini məhkəməyə verib. Bu gün 114 şikayətə məhkəmədə baxılır. İki şikayət Avropa İnsan Hüquqları Məhkəməsinə göndərilib. Bütün iddiaçıların hüquqlarını “Kür” qərargahı müdafiə edir.
 
FHN-in Zaqatala və Balakən rayonlarında 2012-ci ildə baş vermiş zəlzələnin nəticələrinin aradan qaldırılması üzrə işlərində də buna bənzər vəziyyət müşahidə olunur. -0-

Rəy yaz

Siyasət

Bizi sosial şəbəkələrdə izləyin

Xəbər lenti